Di zindanên rejima sîyonîst a îşxalker de, ji 7ê Cotmehê vir ve hejmarê êsîrên ku şehîd bûne derket 74 kesan.

Di zindanên ku kêmasî û îxlalên amûrên tibbî, birçîhiştin û îşkenceyê têne jîyandin de, Filistînîyekî dinê jî şehîd bû, ji 7ê Cotmeha 2024an vir ve hejmarê Filistînîyên ku di zindanan de şehîd bûne derket 74 kesan.

Di daxuyanîyeke hevpar a ku ji teref Cemîyeta Êsîrên Filistînî û Lijneya Yên ku Hatine Serbestberdan û Êsîran ve hat belavkirin de, hat destnîşankirin ku di zinadanan de îxmalên tibbî, îşkence û birçîhiştin têne kirin, ji ber vê yekê jî êsîrên Filistînî şehîd dibin.

Hat îfadekirin ku Semîr Muhammed Yusuf er-Rufaîyê 53 salî ku ji Cenîna Şerîaya Rojavayê ye û di zindanê de girtîye şehîd bûye.

Hat îfadekirin ku Rufaî ew ê îro cara yekem derketana ber hakim, zewicandî û bavê 5 zarokan bûye û di 10ê Tîrmehê de hatîye desteserkirin. Li gorî rapora ku malbata wî girtîye Rufaî nexweşînê qelb bûye û lazimatîya wî ji şopandina tibbî re hebûye.

Bi tevî Rufayî hejmarê şehîdên Filistînî yên ku di zindanên sîyonîstan de şehîd bûne ji 7ê Cotmehê vir ve derketîye 74 kesan.

Di daxuyanîyê de ji mirina Rufaî bi temamî rejima sîyonîst tê mesulgirtin. (ÎLKHA)