Di êrîşa îşxalkeran a li ser bajarokê Beyt Cinn ê Quneytrayê de di nav de du zarok û du jin jî hene bi tevahî 13 kesan canê xwe ji dest dan. Li gorî agahiyan, di şer de sê leşkerên îşxalker birîndar bûn, ku yek ji wan rewşa wî giran e.

Rejîma îşxalker mirina 13 kesan di êrîşeke li ser bajarokê Beyt Cinn li herêma Quneytra ya başûrê Sûrîyeyê de ragihand. Li gorî raporên medyaya Sûrîyeyê, di nav kuştiyan de du jin û du zarok jî hene.

Hat ragihandin ku di dema êrîşê de, rejîma îşxalker hewl da ku bi zorê hinek kesan li bajêr bigire, û ev yek bû sedema pevçûnan. Her ku pevçûn berdewam dikirin, tê gotin ku rejîma îşxalker bi helîkopteran piştgirî da leşkerên li herêmê û hinek deverên bajêr bi topan hatin hedefgirtin.

Her çend rayedarên Sûrîyeyê hîn derbarê êrîşê de daxuyaniyek nedane jî, rejîma îşxalker bi daxuyaniyek nivîskî êrîş piştrast kir.

Di daxuyaniyê de hat diyarkirin ku serdegirtin ji bo desteserkirina du kesên ku tê îddîakirin endamên tevgera "Cemaetî Îslamî" ne hatiye kirin. Her wiha hat ragihandin ku di pevçûnê de şeş leşkerên îşxalker birîndar bûne, ku sê ji wan giran in. (ÎLKHA)