13 oC 
Güneşli
Ebdulmelîk el-Hûsî Serokê Tevgera Ensarullah diyar kir ku Emrîkaya îşxalker di êrîşên xwe yên li ser Yemenê de têk çûye û tekez kir ku vekişîna keştiyên balafiran ên Emrîkayê ji herêmê paşvekişandinek li ber berxwedanê ye.
Rêberê Tevgera Ensarullah a Yemenê, Ebdulmelîk Hûsî di daxuyaniyekê de got ku êrîşên Emrîkayê yên li ser Yemenê dirêjkirina piştgiriya wan ji bo rejîma sîyonîst e. El-Hûsî diyar kir ku van êrîşan encamên ku ew hêvî dikirin nedane û keştîyên şer ên Emrîkayê li hember berxwedana Yemenê gavek paşve avêtine.
El-Hûsî tekez kir ku tiştê ku li Xezzeyê diqewime qirkirineke eşkere ye û got ku rejîma sîyonîst bi hedefgirtina bi hezaran xebatkarên tenduristiyê bi zanebûn hewl dide ku pergala tenduristiyê hilweşîne.
Hûsî diyar kir ku êrîşên sîyonîst ne tenê bi Xezzeyê ve sînordar in û got ku avakirina meqameyên leşkerî yên nû ligel zêdebûna êrîşên li ser axa Lubnanê jî tê wateya dagirkeriyek eşkere. Wî tekez kir ku berxwedana bi biryar a Hizbullahê Lubnanê ji dagirkeriyeke Libnanê ya ji giştî parast.
El-Hûsî her wiha bal kişand ser projeyên sîyonîst ên li dijî Sûrîyeye û Misrê hatine kirin û diyar kir ku Emrîka û rejîma sîyonîst li dijî Ummeta Îslamî şerekî dualî dimeşînin, ku ji hêla leşkerî û medyayê ve tê piştgirîkirin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Tevgera Cîhada Îslamî li Filistînê êrîşa îşxalkerên sîyonîst ên li ser "Keştiya Azadiyê", ku ji bo şikandina dorpêça Xezzeyê ber bi şikandina rê ve çû, bi balafirên bêmirov wekî heqareteke eşkere ya li rûmeta mirovan û delîleke nû ya bikaranîna birçîbûnê wekî çekek di şerê qirkirinê yê li dijî gelê Xezzeyê de bi nav kir.
Tevgera Hamasê êrîşa ku ji teref îşxalkerên sîyonîst ve bi dronan li ser Keştiya Azadiyê, ku ji bo gihandina alîkariya mirovî bo Xezzeyê di avên navneteweyî de bi rê ket, doh êvarê pêk anî, wekî terorîzma dewletê ya rêxistinkirî û korsaniya li deryayên vekirî bi nav kir.
Li peravên Şîlî û Arjantînê di mezinahîya 7,4an de erdhejek pêk hat.
