Berdevkê Tûgayên Qessam Ebû Ubeyde, ji ber êrîşên berdewam ên li ser Filistînî û cihên pîroz, banga gurrkirina pevçûnê bi hêzên îşxalker re kir û pesnê "berxwedana şervanên berxwedanê" li dijî hêzên îşxalker û niştecihên li Şerîaya Rojava da.

Ebû Ubeyde di posteke Telegramê de diyar kir ku operasyonên berxwedanê wekî bersivek li ser îxlalkirinên rejîma îşxalker ên li dijî Mescîda Eqsa, Şerîaya Rojava û Şerîda Xezzeyê hatine lidarxistin.

Ebû Ubeyde diyar kir ku êrîşên berdewam ên hêzên îşxalker li ser Mizgefta Eqsayê, hilweşandina malan, desteserkirina erd û şerê berdewam li Şerîda Xezzeyê wê "bibe sedema gurrbûna pevçûnê bi hêzên îşxalker re", û bang li Filistîniyên li Şerîaya Rojava kir ku "cihên xwe yên pîroz û erdên xwe biparêzin", û ji eşîr û "endamên rêzdar ên hêzên ewlehiyê" xwest ku tevlî berxwedana li dijî êrîşên îşxalker û niştecihan bibin.

Ebû Ubeyde dubare kir ku têkoşîna Filistînê ya li dijî dagirkeriyê li Şerîaya Rojava kom bûye, û baweriya xwe anî ziman ku ev pevçûn dê "mifteya serkeftinê" be.

Kom û hêzên Filistînî komkujiya ku roja Înê ji aliyê artêşa îşxalker û niştecihên gund ve li gundê Tell, li başûrê rojavayê Nablusê pêk hat, şermezar kirin û tekez kirin ku ev bûyer zêdebûna talûke ya sîyaseta hedefgirtina Filistîniyan temsîl dike û wê wekî "sûcekî îdamê yê li ser erdê hatiye kirin û sûcekî şer ê nû" bi nav kirin.

Di êrîşa hêzên îşxalker ên sîyonîst û çeteyên niştecihan de li ser gundê Tellê ku li başûrê rojavayê Nablusê ye, ji heman malbatê çar Filistînî şehîd bûn û çar kes jî birîndar bûn, ku rewşa sê ji wan giran e.

Hişyariyên li ser zêdebûna bê mînak a êrîşên niştecihên Şerîaya Rojava berdewam dikin, hinek kes dibêjin ku ev nîşaneya "terorîzma rêxistinkirî" ye ku ji hêla hikûmeta îşxalker ve tê rêvebirin û bi fermî tê fînansekirin, û armanca wê ew e ku rastiyek nû ya niştecihbûnê li ser erdê ferz bike. (ÎLKHA)