Li bakurê rojavayê Pakistanê, di êrîşeke xwekujî ya li dijî xaleke kontrolê de 14 kesan canê xwe ji dest dan û 24 kes jî birîndar bûn.

Li gorî medyaya herêmî, di êrîşeke xwekujî ya li ser xaleke kontrolê ya ewlehiyê li parêzgeha Xeyber Paxtûnxwa ya li bakurê rojavayê Pakistanê de, herî kêm 14 kes, ku di nav wan de karmendên ewlehiyê, polês û karmendekî daristanê jî hebûn, hatin kuştin.

Çavkaniyan gotin ku êrîş roja Pêncşemê bi şev li xaleke kontrolê ya ewlehiyê li herêma Tankê qewimî, dema ku êrîşkarekî xwekuj di wesayîtekê de teqemenî teqand, teqînek bihêz çêbû ku di encamê de qurbanî û ziyanên mezin çêbûn.

Çavkaniyan zêde kirin ku di nav kuştiyan de 9 leşker, 4 polês û karmendek ji daîreya daristanên wîlayetê hene.

Di teqînê de herî kêm 24 kes birîndar bûn, ku 20 leşker û 4 polês bûn û ew rakirin nexweşxaneyên derdorê.

Li gorî çavkaniyan, di teqînê de qereqola polêsan wêran bûye, û di demekê de ku ekîbên rizgarkirinê li cihê bûyerê xebatên lêgerîn û tehliyekirinê didomînin, tê bawerkirin ku sê leşker di bin xirbeyan de asê mane.

Çavkaniyan zêde kirin ku hêzên ewlehiyê di operasyonên piştre de sê çekdarên din li herêmê kuştin.

Heta niha ti rêxistinê berpirsiyariya êrîşê negirtiye ser xwe. Lêpirsîn berdewam dike. (ÎLKHA)