Tevgera Ensarullahê tohmetên Erebistana Siûdî yên ku dibêjin Yemen Mekkeyê hedef digire red kir û diyar kir ku operasyonên wan tesîsên petrolê û baregehên leşkerî yên dûrî cihên pîroz hedef girtine.

Tevgera Ensarullah, piştî êrîşên Erebistana Siûdî yên li ser Yemenê, di daxuyaniyekê de bertek nîşanî tohmetên ku dibêjin Yemen Mekkeyê hedef digire da.

Tevgerê tohmetên ku dibêjin di dema êrîşên berdewam ên li ser Yemenê de Mekke hedef digire red kirin û diyar kir ku operasyonên wê li dijî tesîsên petrolê û baregehên leşkerî yên dûrî cihên pîroz in.

Balafireke şer a F-15 ket xwarê

Ensarullah di daxuyaniyekê de got ku balafireke şer a F-15 a Erebistana Siûdî dema ku li ser sînorê Maribê "çalakiyeke dijminane" dikir, bi mûşekeke erd-hewayî ya xwemalî hate xistin.

Di daxuyaniyê de hat gotin ku piştî ku balafir hat xistin, du komên balafirên şer ên Siûdî li ezmanên Maribê ji bo lêgerîna bermahiyên balafirê operasyon pêk anîn û ev balafir bi mûşekên xwemalî hatin hedefgirtin û neçar man ku ji herêmê vekişin. (ÎLKHA)