Hêzên Çekdar yê Ensarullahê Yemenê, diyar kir ku ew li dijî Balafirgeha Ben Gurionê bi fuzeyên hîpersonîk a ji tîpa “Filistîn-2”yan operasyonek li dar xistin.

Berdevkê Ensarullahê Yahya Serî, diyar kir ku ew vê operasyonê ji bona ku ji zilma berxwedêrên qehreman û gelê Filistînê û xûşk û birayên li Xezzeyê ku dûçarê zilma sîyonîstê dijmin dibin wek bersivekî li dar xistine.

Serî weha got, “Di vê çarçoveyê de, ji Balafirgeha Ben Gurion (Lod) a ku li herêma Yafa (Tek Avîv)a îşxalkirîye re, bi fuzeyên hîpersonîk a ji tîpa ‘Filistîn-2’yê operasyonek li dar xist. Operasyon bi alîkarîya Xwedê bi serfirazî gihîştîye armanca xwe, ji ber vê operasyon bi milyonan sîyonîstên xespker xwe avêtin sitargehan. Û trafîka balafirgehê hatîye sekinandin.”

Serî bal kişand ku Yemen bi gel, rêberî û artêşa xwe re li kêleka xûşk û birayên xwe yên Filistînî yên bindest û birçî dimîne, piştgirîya berxwedana wan a qehremanî dike û helwesta wan a bênavber xurt dike, ji ber ku gelê Filistînê bi tena serê xwe û bê piştgirî li dijî van dorpêç û êrîşan şer dike.

Serî weha got, "Heta ku dorpêça li ser Xezzeyê were rakirin û êrîş bi dawî bibin, operasyonên me dê berdewam bikin." (ÎLKHA)