Bi hatina ewlekariya ku ji aliyê Talîban ve hat dayîn piştî bi dehan salan ji îşxalkirina Efxanîstanê, sala borî nêzî 1.8 mîlyon koçberên Efxan vegeriyan welatê xwe.

Bi dehan salan ji îşxala Emerîka û Rojava bi mîlyonan Efxanî neçar kir ku ji warên xwe birevin û gelek ji wan li cîranên Îran û Pakistanê koçber bûn.

Rapor diyar dikin ku nêzî 1.8 mîlyon koçberên Efxanî sala borî vegeriyan welatê xwe, di heman demê de tê texmîn kirin ku 7 mîlyon Efxanî hê li derveyê welat in.

Efxaniyê bi navê Mîr Hemza yê ku nû vegeriyaye welatê xwe, ji Xinhua re axivî û bi kêfxweşî behsa biryara xwe ya vegera Efxanistanê kir.

Mîr Hemze got ku çêbûna ewlehiyê li welatê wî hêviya vegerê da ye wî.

Hemze piştî ku bi salan ji ber îşxalê li Îranê ma, bi awayekî li kampeke demkî bi cih bû û berîya ku berê xwe bide bajarê xwe yê li Kunduzê û diyar kir ku ji bo avakirina jiyana xwe pêwîstiya wî bi piştgiriyê heye. (ÎLKHA)