Fermandarê êsîr Hesen Selame, rewşa xwe û hevalên xwe yên di zinanê de wek “mirîkî” wesifand.

Selame di nameya ku ji pîreka xwe Xufran Zamil re nivîsî û ji aliyê Zamil ve li ser medyaya civakî hat weşandin de, diyar kir ku di 7ê Cotmehê de rastî derbeke giran hatiye û got, "Ez li bendê bûm ku ev yek bibe dawiya jiyana xwe."

Zamil di nameya zilamê xwe de weha got, "Di peyama ku ji tecrîdê re şandîye de, ji min re wiha dibêje: Şert û mercên min jî mîna yên her girtiyan e, gelek zehmet in, ez bi tenê dijîm û tiştek nemaye, timî heqaret, kêmxistin û lêdanê li min dikin, ya dawî di 7ê Cotmehê de qewimî. Ez li bendê bûm ku ev yek bibe dawiya jiyana min, lê Rebbê min min xelas kir."

Selame di dawiya nameya xwe de weha got: "Jiyana me bi rastî mîna mirinê ye, qanûn tune ye û kes nikare tiştekî ji me re bike, ez li benda xelasiyê me, an mirinê, kîjan nêzîktir be; Xwedê dizane. Rewşa min ev e û ji hemû girtiyan re pêwîstiya min bi duayên we û her kesî heye."

Fermandarê êsîr Hesen Selame ji dema ku di 17ê Gulana 1996an de hatiye girtin heta niha 48 caran cezayê muebetê lê hatiye birîn û di nav girtiyên Filistînî de sêyemîn cezayê herî giran tê hesibandin.

Rejîma îşxalker di sala 2011an de li gorî peymana pevguhertina girtiyan a bi navê “Vefa El Ehrar” serbestberdana wî red kir.

Selameh wî berpirsiyar dibîne ji rêze operasyonên tolhildanê yên ku ji alîyê Tugayên Qessam ve di berteka kuştina endezyar Yahya Ayyaş de di sala 1996 de hatine kirin. Di vê operasyonê de 46 siyonîstên îşxalker hatin kuştin û bi dehan jî birîndar bûn.

Hasan Selame di sala 2010an de bi girtiyê azad Ghofran Zamil re zewicî, ​​lê ji dema zewaca wan heta niha ji aliyê îşxalê ve qedexeya hevdîtinê heye û di dema êsîrgirtinê de tenê du caran karîbû serdana wî bike. (ÎLKHA)