Iraq: Herikîna gaza xwezayî ya ji Îranê tê qut kirin
Iraqê ragihand ku rawestandina tevahî ya herikîna gaza xwezayî ji Îranê bûye sedema astengiyên dabînkirina elektrîkê li seranserê welat.
Wezareta Elektrîkê ya Iraqê ragihand ku qutbûna gaza xwezayî bûye sedema rawestandina hin yekîneyên hilberîna elektrîkê û kêmkirina kapasîteya hinên din, û di encamê de di sîstema elektrîkê de windahiyek di navbera 4.000 û 4.500 megawat de çêbûye.
Wezaretê diyar kir ku Îranê nameyek fermî şandiye û ragihandiye ku ji ber sedemên lezgîn herikîna gaza xwezayî bi tevahî hatiye rawestandin, û bi hevahengiya Wezareta Petrolê, ji bo dabînkirina santralên hilberînê sotemeniyên alternatîf ên herêmî têne bikar anîn.
Di daxuyaniyê de wiha hat gotin, "Hilberîn hêna jî di bin kontrolê de ye û her çend hin santralên elektrîkê ji ber kêmbûna gazê tesîr bibin jî, ew xebata xwe didomînin." (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Rejîma sîyonîst bi saetan êrîşî Kampa Penaberan a Qalendiye û Kefer Aqabê li bakurê Qudsê kir, di encamê de gelek Filistînî birîndar bûn, bi dehan kes esîr hatin girtin û êrîş li ser mal û kargehan hat kirin.
Li gorî agahiyan, li wîlayeta Plateau ya Nîjeryayê, di êrîşeke çekdarî ya li ser otobuseke rêwiyan de 28 kes hatine revandin.
Balafira taybet a ku Serfermandarê Giştî yê Lîbyayê General Mihemed Elî Ehmed El-Hedad tê de bû û ji Enqerê ber bi Trablûsê ve diçû, li Haymanayê ket xwarê.