Li bajarê Tver ê Rûsyayê, di êrîşa dronê de 7 kes birîndar bûn.

Waliyê Tverê yê wekalet, Vitaly Korolev, got ku di êrîşa dronê de li bajarê Tverê yê rojavayê Rûsyayê heft kes birîndar bûn û avahiyek jî zirar dît.

Korolev di posteke Telegramê de diyar kir ku birîndar, ku zarokek jî di nav wan de ye, ji bo dermankirinê rakirine nexweşxaneyê.

Şahidan gotin ku dron di saetên serê sibê yên roja Înê de li binê avahiyekê xist. Berî ku xizmetên acîl werin, niştecihan hewl dan ku agirê ji ber bûyerê vemirînin û alîkariya cîranên xwe ji avahiyê kirin.

Li gorî medyaya herêmî, herî kêm çar apartman û çend otomobîlên ku li nêzîkê parkkirî bûn zirar dîtin.

Vîdyoyan nîşan dan ku niştecihên avahiyê, hin ji wan bi cilên xwe yên pijamayê, piştî teqînê direvin kolanê. (ÎLKHA)