Li başûrê Hîndistanê otobûs gêrê şerempolê bû, di encama qezayê de 9 kes mirin, 29 kes jî birîndar bûn.

Qeza li nêzê gundê Tulasipakalu ya Andhra Pradeshê pêk hat.

Li gorî daxuyanîya polêsan, otobûs ji rê derketîye û gêrê şerempolê bûye, herî kêm 9 kesan canê xwe ji dest dane, 29 kes jî birîndar bûne.

Hat îfadekirin ku di nav otobûsê de 35 rêwî, du şofêr û muawînekî hebû.

Piştî qezayê ekîban û gundîyan bi hev re dest bi xebatê kirin.

Hat diyarkirin mirovên ku di nav otobûsê de bûne, geştyarên mehellî yên ku ji Gelîyê Arakuyê hatine û ew ê di saetên serê sibehê de biçûne perestgeha Bhadrachalamê bûne.

Derheqê qezayê de tehqîqat hat destpêkirin û hêj berdewam dike.

Rayedarek polêsan îfade kir dibe ku otobûs ji ber mijê dema ku gelîyê derbas dikir pêşîya xwe nedîtibe û ketibe xwarê. (ÎLKHA)