Sûrîye fonên dewletê û encûmeneke aborî ava dike da ku piştgirîya ji nû ve avakirinê bike.

Li gorî ajansa nûçeyan a dewleta Sûrîyeyê SANA, Serokkomarê Sûrîyeyê Ehmed el-Şaraa rêze ferman derxistiye ku di çarçoveya hewildanên ji bo piştgiriya ji nû ve avakirina welatê ku ji ber şer wêran bûye de, Fona Geşepêdanê, Fona Serweriyê û Konseya Bilind a Geşepêdana Aborî ava kiriye.

Di biryarnameyê de hat gotin ku Fona Geşepêdanê ji bo piştgirîkirina tamîrkirin û pêşxistina binesaziya krîtîk, di nav de rê, pir, torên av û elektrîkê, balafirgeh, bender, pergalên ragihandinê û karûbarên giştî yên din ên bingehîn hatîye çêkirin.

Di daxuyaniyê de hat destnîşankirin ku armanca fonê ew e ku projeyên pêşkeftin û hilberînê bicîh bîne, karanîna çavkaniyên mirovî û maddî û pisporiya teknîkî li giştîyê sektoran baştir bike, û bi rêya veberhênanên hedefgirtî û cihêreng vejîna aborî bilezîne.

Sûrîyeyê her wiha bi biryarnameyeke cuda, bi armanca pêşxistina aramiya aborî, vejandina aborî û pêşkeftina domdar, damezrandina Konseya Bilind a Geşepêdana Aborî ragihand. (ÎLKHA)