Kêmbûna sotemeniyê nexweşxane xiste tariyê: Nexweşxaneya El-Ewde li Xezzeyê bê cêylan ma
Ji ber ku rejîma siyonîst nahêle sotemenî bikeve hundir, li Nexweşxaneya El-Awde ya li Kampa Penaberan a Nuseyratê ya li Xezzeyê cêylan bi temamî hatiye qutkirin. Xizmetên girîng di talûkeya mezin de ne.
Nexweşxaneya El-Awde ya li Kampa Penaberan a Nuseyratê li başûrê Xezzeyê êvara pêncşemê bê elektrîk ma piştî ku sotemeniya wê bi temamî qediya.
Rêveberiya nexweşxaneyê ragihand ku tevî mîqdarên ku di peymana agirbestê de hatine destnîşankirin, sotemeniya ku ji bo xebitandina jeneratoran pêwîst e, ji aliyê hêzên îşxalker ve nayê anîn herêmê.
Çavkaniyên bijîşkî ragihandin ku piştî ku sotemeniya dawî ya berdest xilas bû, jenerator bi tevahî rawestiyane, û di encamê de li hemû deverên nexweşxaneyê elektrîk qut bûye.
Hate tekez kirin ku her çend hin xizmetên bingehîn tenê bi çavkaniyên enerjiya yedek ên sînorkirî dikarin werin domandin jî, ev yek di rewşa zêdebûna hejmara nexweşan û rewşên giran de têrê nake.
Rêveberiya nexweşxaneyê diyar kir ku qutbûna elektrîkê rasterast jiyana nexweşan, bi taybetî yên li beşên lênêrîna giran, zarokan û odeyên emeliyatê, tehdît dike û bangek lezgîn li rêxistinên navneteweyî kir.
Di daxuyaniyê de hat xwestin ku zext li ser dagirkeran bê kirin û tavilê sotemenî bê dabînkirin da ku jenerator ji nû ve werin xebitandin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Banka Navendî ya Sûrîyeyê destpêkirina pereyek nû ya Sûrîyeyê ragihand.
Serokê Emrîkayê Donald Trump ragihand ku li bakurê rojavayê Nîjeryayê li dijî hêmanên girêdayî DAIŞê êrîşên asmanî yên "xwînî û wêranker" hatine kirin û "êrîşên li dijî Xiristiyanan di demsala Noelê de" wekî sebeb nîşan da.
Cenazeyên 25 şehîdan, ku rojnamevanek jî di nav wan de bû, ji nav xirbeyên xaniyekî ku du sal berê di êrîşên artêşa îşxalker de li ser Xezzeyê wêran bûbû, hatin derxistin.