Balafireke biçûk a Hêzên Deryayî yên Meksîkayê li peravên Teksasê ket xwarê û di encamê de pênc kes mirin.

Hêzên Deryayî ragihand ku balafir li nêzîkî peravên Galveston, Texas, ket xwarê.

Li gorî agahiyan, di balafirê de çar efserên deryayî û çar sivîl hebûn. Di qezayê de pênc kes mirin, du kes hatin rizgarkirin û yek jî winda ye.

Karbidestên Deryayî diyar kirin ku balafira ku hatiye xistin wekî beşek ji "mîsyoneke alîkariya mirovî ji bo veguhestineke bijîşkî ya taybet" rabûye. Hate destnîşankirin ku nexweşê ku ji bo dermankirina bijîşkî dihat veguhastin di nav miriyan de bû.

Li gorî agahiyan, tîmên Ewlekariya Peravên Emrîkayê ku gihîştine kavilên balafirê di okyanûsê de, xebatên rizgarkirinê dimeşînin.

Wezareta Karên Derve ya Meksîkayê li ser medyaya civakî ragihand ku bi rêya Konsolosxaneya Giştî ya Meksîkayê ya li Houstonê bi rayedarên herêmî re têkilî daniye û piştgiriyê dide malbatên kesên ku jiyana xwe ji dest dane. (ÎLKHA)