Hejmarê mirîyên ku li Myanmarê di erdhejê de canê xwe ji dest dabûn 2 hezar û 700î derbas kir. Li herêmên ku erdhej çêbûn lazimatî ji sitargeh, xwarin û avê re heye, herba navxweyî ya li welat xebatên alîkarîyê dike nav zehmetîyê.

Erdheja ku di roja Înê di mezinahîya 7,7an de pêk hatibû de, ji bo welat di nav sedsala dawîn de erdheja herî mezin hatîye qeydkirin. Serokê leşkerî yê Myanmarê Min Aung Hlaing, di daxuyanîya ku da de îfade kir ku hejmarê qurbanîyan gihaşt 2 hezar û 719 kesan û dibe ku ev hejmar 3 hezarî derbas bike. Di erdhejê de 4 hezar û 521 mirov birîndar bûn û 441 kes jî hêj winda ne.

Li herêma Mandalaya Myanmarê, avahîyekî dibistana pêşîn hilweşîya û di encamê de 50 zarok û du mamoste canê xwe ji dest dan.

Ofîsa Koordînasyona Karên Însanî yê Neteweyên Yekbûyî (OCHA), destnîşan kir ku li herêmên ku herî zêde ji erdhejê tesîrdar bûne pirsgirêka herî mezin jî ava paqij û xizmetên sanîtasyonê ne, alîkarîyên acîl jî berdewam dikin.

Erdheja ku çêbû tenê Myanmarê tesîrdar nekir, li Taylandê jî tesîreke zêde kir. Di kavilên ku li Bangkokê avahîyeke mezin hilweşîyabû de xebatên lêgerîn û xelaskirinê berdewam dike. Serokê koma xelaskirinê ya dildar Bin Bunluerit, destnîşan kir ku nêzê 70 kes di bin kavilan de mane û pir hindikê wan dibe ku di jiyanê de bin.

Hat îfadekirin ku heta niha li sehaya înşeatê 13 mirin hatîye rastkirin, hêna jî 74 kes winda ne. Li Taylandê temamê candayînan jî wek 20î hatîye qeydkirin.

Ji teref rayedaran ve hat îfadekirin ku bila welatî baldar bin ji bo erdhejên biçûk.

Neteweyên Yekbûyî destnîşan kir ku li herêmê ji ber herba navxweyî gihandina alîkarîyan di nav şert û mercên gelek zor û zehmet de tên kirin. (ÎLKHA)