Li Nuseyrata Xezzeyê li dijî jîngeha sîvîlan qetlîamekî nû hat lidarxistin, di encama qetlîama ku ji teref rejima sîyonîst ve hat lidarxistin de herî kêm 30 sîvîl şehîd bûn.

Kampa Nûseyratê careke dinê bû hedefa sîyonîstan. Ji êvarê heta serê sibehê ji hewayê ve bomberdman hat lidarxistin, di êrîşê de li herêma “kampa nû” gelek xanî hatin hedefgirtin.

Li gorî çavkanîyên Nexweşxaneya El-Avdeyê, vê sibehê hejmarê şehîdan gihîşt 30 kesan. Hat îfadekirin ku piranîya cenazeyê şehîdan parçe parçe ne, di nav şehîdan de gelek pîrek û zarok hene.

Hat îfadekirin ku mala malbata “Ebû Ataya”yê rasterast hat hedefgirtin û di encamê de 8 kes şehîd bûn, û ew ji bin kavilan hatin derxistin.

Li gorî mirovên ku bomberdmanê dîtine qal dikin, di êrîşê de dayîkek şehîd ketîye û bebika ku di zikê wê de bû bi tesîra bombeyê ji zikê dîya xwe derketîye derve. Mirovên derdorê ev bûyerê wek “wehşetekî ku nayê terîfkirin” wesifandin.

Li herêma sîvîlan xebatên lêgeîrn û xelaskirinê berdewam dike, hêna jî di bin kavilan de sîvîl hene. (ÎLKHA)