Ji ber baran û bahozên dijwar li Pakistanê neh kes mirin û bi dehan kes birîndar bûn.

Ji ber baran û bahozên dijwar ên li hin deverên Pakistanê, herî kêm 9 kes mirin û zêdetirî 40 kesên din jî birîndar bûn.

Rayedarekî ji Desteya Rêvebiriya Karesatên Neteweyî (NDMA) got ku barana dijwar li giştîyê welat zirar daye mal, binesazî û zeviyan, û her wiha ajalan jî mirine.

Rayedar got ku qurbanî û zirar li parêzgeha Pencabê ya rojhilat, Xayber-Paxtûnxwa (KP) ya bakur-rojava û Keşmîra di bin kontrola Pakistanê de çêbûne, û da zanîn ku di nav qurbaniyên bûyerên têkildarî baranê de jin û zarok jî hene.

Rayedar got ku herî kêm du kes li Pencabê mirin, 25 kes birîndar bûn û zêdetirî 150 avahî hilweşiyan, ji ber ku baranên dijwar û bayên bihêz li wîlayetê wêraniyek berfireh çêkirin.

Bi heman awayî, di barana giran a ku li navçeyên Haripur, Swabi û Shangla yên parêzgeha Xayber Paktunxwa qewimî de sê kes mirin û herî kêm 15 kes jî birîndar bûn. Herwiha di bûyerên têkildarî baranê de li wîlayetê zêdetirî 15 xanî qismî zirar dîtin.

Di encama barana ji nişka ve ya li Keşmîra di bin kontrola Pakistanê de, çar kes mirin, gelek kes birîndar bûn û winda bûn, û gelek xisarên madî çêbûn. (ÎLKHA)