Bi sedan siyonîstên îşxalker li ber avahiya Wezareta Parastinê ya li "Kirya" ya li navenda Tel Avîvê xwepêşandanek li dar xistin û daxwaza rêkeftineke danûstandina êsîran bi komên Filistînî yên li Xezzeyê kirin.

Di xwepêşandanê de, ku malbatên êsîrên siyonîst ên ku ji teref berxwedanê ve hatine girtin jî beşdar bûn, xwepêşanderan pankartên ku bang li hikûmetê dikirin ku zû êsîran vegerîne, hildan.

Polêsên îşxalker bi tundî xwepêşanderan dûr xistin û nehiştin ku ew nêzîkî deriyê baregeha leşkerî bibin. Her ku xwepêşandan mezin dibûn, polêsan Kolana Ayalon, ku damareke sereke ya rê ye, ji trafîkê re girt.

Ev xwepêşandan di demekê de tên ku krîza sîyasî ya navxweyî ya rejîmê zêde dibe. Serokwezîr Benjamin Netanyahu ji ber têkçûna wî di garantîkirina peymanek pevguhertinê û redkirina wî ya vekişîna ji Xezzeyê de rastî rexneyên tund ji aliyê malbatên girtiyan û rêberên ewlehiyê ve tê.

Piştî raporên ku dibêjin Netanyahu plan dike ku tevahiya Xezzeyê îşxal bike, malbatên êsîrên siyonîst hişyarî dan ku hikûmet amadekariyên dayîna biryarên ku dikarin ji bo rejîma îşxalker felaketek çêbikin dike. (ÎLKHA)