Serokwezîrê Lîbyayê Abdulhemîd Dîbeybe diyar kir ku ew bi hevkariya Tirkiyeyê lêkolîna li ser qezaya balafirê ya li Enqereyê ku tê de şandeyeke leşkerî ya Lîbyayê hebû dişopînin.

Piştî gihîştina cenazeyên şandeya leşkerî ya Lîbyayî jı paytext Trablusê re, li Wezareta Parastinê merasîmeke leşkerî hat lidarxistin.

Dibeybe di merasîmê de, axivî û  got, "Em piştrast dikin ku lêpirsîn bi ciddiyet û berpirsiyariyeke mezin berdewam dike, û em bi hevkariya Komara Tirkiyê ji nêz ve dişopînin."

Serokê Konseya Serokatiya Lîbyayê Mihemed el-Menfî jî di merasîmê de axivî û got,  "Me ew wek mirovên dîsîplînkirî, dilsozê sondên xwe dizanibûn. Ew ne mirovên bi dengekî bilind, lê mirovên xwedî karekî saxlem bûn. Ew bi bêdengî dixebitîn, berpirsiyarî digirtin ser xwe û dilsoziya xwe ji bo Xwedê, welat û gelê xwe diparastin. Di berdêla vê de, wan ji bilî rûmeta ku aîdî Lîbyayê ne û xizmetê dikin tiştek din nexwestin." (ÎLKHA)