Serokê Konseya Bilind a Sîyasî ya Tevgera Ensarullah a Yemenê Mehdî el-Meşhat, derheqê şerê ku 6 roj in di navbera Îran û rejîma îşxalker a sîyonîst de berdewam dike de, daxuyaniyek kurt da.

Serokê Konseya Bilind a Sîyasî, Mehdî Meşhat, piştrast kir ku Komara Îslamî ya Îranê mafê wê heye ku êrîşî berjewendiyên her welatekî ku êrîşî wê bike an jî beşdarî êrîşkarîya sîyonîstê dijmin bibe bike.

Serok el-Meşhat ji Ajansa Nûçeyan a Yemenê (Saba) re şîrove kir ku Îran ne hedefek hêsan e û xwedî kapasîteya têrker e ku bersivê bide û têkilî û peymanên berfireh bi gelek welatan re hene.

Wî diyar kir ku ji bo her welatekî bêaqilî ye ku li dijî Îranê bikeve nav êrîşekê, ji ber ku dizane ku berjewendîyên wê dê ji ber hebûna dijminane zirarê bibînin.

Serokê Konseya Bilind a Sîyasî Mehdî Meşhat got, "Serdema lêxistin û revê an jî bê lêdan revîyan bi dawî bû." (ÎLKHA)