Hat ragihandin ku pere, çek û wesayîtên ku ji teref îşxalkerê sîyonîst ve ji bo çeteyên ku piştgirîya wan dike da ku li Xezzeyê li dijî HAMASê bikar bînin hatine desteserkirin, ji hêla HAMASê ve hatine bidestxistin.

Di raporek ji teref Kanala 12 dezgeheke medyayî ya siyonîst ve, ku çavkaniyên artêşê dispêre, hat diyarkirin de hat îfadekirin ku qamyon, çek, cebilxane û mîqdarên mezin ên pereyan ku ji teref rêveberiya Tel Avîvê ve ji bo bikaranîna li dijî HAMASê ji hinek çeteyan re hatine dayîn, ketine destê HAMASê.

Rayedarê artêşa îşxalker bi tundî piştgiriya ku ji çeteyan re hatiye dayîn rexne kir û got, "Ew ketin vê plana bêaqil tevî ku pir eşkere bû ku ew ê bi ku ve biçe."

Her wiha hate destnîşankirin ku HAMAS gelek endamên çeteyan girtine û bêtesîr kirine.

Di raporê de hat ragihandin ku HAMASê herî kêm 45 qamyonet, bi sedan tifingên AK-47, mitralyoz, teqemenî, bombeyên destan û mîqdarên mezin ên pereyên ku ji hêla rejîma sîyonîst ve hatine dayîn bidest xistine.

Hat diyarkirin ku bi vê planê, Tel Avîv fikirî ku ew dikarin çeteyên li Şerîda Xezzeyê wekî alternatîfek ji bo HAMASê pêşkêş bikin û heta yek ji komên herî berbiçav, çeteya "Yasêr Ebû Şebab", di nav çend rojan de li Xan Yûnis, Bajarê Xezzeyê û herêmên dinê hate hilweşandin. (ÎLKHA)