Serokkomarê Îranê Pezeşkîyan îddiayên ku dibêjin rejîma siyonîst bernameya nukleerî hedef girtiye red kir û got, "Ew xeyal e ku meriv bifikire ku wan bernameya nukleerî ji holê rakiriye."

Serokkomarê Îranê Mesûd Pezeşkiyan di hevpeyvînek taybet de ligel televîzyona El Cezîreyê, îddiayên ku dibêjin rejîma sîyonîst bernameya nukleerî ya Îranê hedef digire, nirxand.

Pezeşkîyan bal kişand ku çalakîyên nukleerî yên welatê wî berdewam dikin û di vî warî de ti gav paşve nehatiye avêtin û got, "Ev xeyal e ku meriv bifikire ku wan bernameya nukleerî hilweşandiye."

Pezeşkîyan her wiha peyamek zelal li dijî êrîşên muhtemel ên rejîma sîyonîst da û got, "Gel û dewleta Îranê her tim ji bo êrîşeke wiha amade ne."

Pezeşkîyan bal li ser biryardariya xwe ya ji bo parastina berjewendîyên neteweyî yên Îranê kişand û diyar kir ku hêza astengkirinê di parastina hevsengiyên herêmî de roleke girîng dilîze.

Pezeşkîyan di hevpeyvînê de li ser pêşketinên herêmî û siyaseta derve ya Îranê jî şîrove kir û got, "Em aştî û aramiyê dixwazin, lê em ê li hember tehdîdan bêdeng nemînin." (ÎLKHA)