HAMAS diyar kir ku rejîma îşxalker bi bikaranîna birçîbûnê wekî çek li dijî zêdetirî 2 mîlyon Filistîniyên li Xezzeyê sûcê qirkirinê dike.

Hamasê di daxuyaniyekê de got ku "Hikûmeta îsraîlê zêdetirî 70 roj in ku Xezzeyê dorpêç kiriye û rê li ber hemû pêdiviyên bingehîn ên jiyanê yên wekî xwarin, derman, av û sotemeniyê girtiye."

Di daxuyaniyê de hat gotin ku rejîma îşxalker di êrîşên xwe yên li ser Xezzeyê de di heman demê de birçîbûna bi zorê wekî çek li dijî Filistîniyan bi kar tîne û ji bo bidawîkirina vê rewşê daxwaza mudaxeleya lezgîn a civaka navneteweyî û welatên Ereban hat kirin.

Di daxuyaniyê de tekez li ser vê yekê hat kirin ku artêşa îşxalker li ber çavên hemû cîhanê qirkirineke eşkere pêk tîne û hat gotin,  "Sîyonîstê dijmin, ku li dijî zêdetirî 2.5 mîlyon kesan birçîbûnê wekî çek bikar tîne, bi eşkereyî li dijî îradeya Neteweyên Yekbûyî, rêxistinên din ên ku gelek caran banga ketina alîkariya mirovî û vekirina deriyên sînor kirine û civaka navneteweyî ye."

Di daxuyaniyê de hat destnîşankirin ku bêdengiya navneteweyî şerm e û nekarîna rawestandina şer û birçîbûnê têkçûna pergala navneteweyî nîşan dide. (ÎLKHA)