Di êrîşa ku li dijî kampa penaberan a Xan Yûnisa Xezzeyê hat lidarxistin de dayîkek û sê zarokên wê hatin şehîdkirin. Êrîş, di roja 643yemîn a qirkirinê de bi hedefgirtina cîhên sîvîlan berdewam dike.

Artêşa sîyonîstên terorîst, di roja 643yemîn a êrîşên qirkirinê de careke dinê jî sîvîlan hedef girt.

Di êrîşa ku nîvê şevê li dijî malekî hat lidarxistin de dayîkek û sê zarokên wê şehîd bûn.

Li gorî agahîyên ku ji çavkanîyên fermî yên Filistînê hatine bidestxistin, cenazeyê şehîdan ji Kompleksa Tip a Nasserê re hatin rakirin.

Xeberên ku ji Xezzeyê têne şandin, nîşan dide ku vê êvarê jî kampên sîvîlan hatine hedefgirtin. Hat îfadekirin ku ji ber êrîşan gelek sîvîl birîndar bûne û hêna jî gelek însan di bin kavilan de ne.

Di êrîşên ku ji 7ê Cotmehê vir ve berdewam dikin de heta niha 57 hezar û 860 Filistînî şehîd bûn, 137 hezar û 409 kes jî birîndar bûn.

Hêna jî gelek kes di bin kavilan de ne û ji ber êrîşan kes nikare bighêje wan. (ÎLKHA)