Hêzên îşxalê yê siyonîst, duh di demên şevê de hîn bêhtir erebeyên leşkerî û buldozeran şand bajarê Tulkerîmê û qampên Tulkerîm, Nur Şemsê. Li herêmê êrîşên hilweşandin, xerakirin û şewitandina xaniyên didome.

Li gorî medyaya herêmî, şahidên bûyerê ragihandin ku dozerên îşxalê danê sibehê dest bi xebatên hilweşandinê kirin û tevahiya rojê dewam kirin. Dema siyonîstan hin mal şewitandin, li herêmê dengê çekan hat.

Hat ragihandin ku herî kêm xaniyên 13 malbatan ji teref îşxalkeran ve hatin hilweşandin.

Faysal Selameyê Serokê Komîteya Xizmetên Gela Qampa Koçberana Tulkerîm di daxuyaniya ku li WAFAyê kir de diyarkir ku, hêzên îşxalê danê sibehê dest bi xebatên hilweşandinê kirin û wextekî têrî bike neda ku xwediyê xaniyan malên xwe vala bikin.

Selame da zanîn ku, li gorî agahiyên berdest, heta niha 50 xanî wêran bûne yan jî şewitîne, 300 cihên kar bi temamî hatine xerakirin û bi sedan otomobîl jî zirar dîtine. Selame da zanîn ku ji ber hilweşîna binesaziyê jiyana li kampa koçberan sekinîya û destnîşan kir ku ji 15 hezar kesî 11 hezar kes neçar mane koç bikin.

Li aliyê din hêzên îşxalê li gelek nuqteyên bajarê Tulkermê nuqteyên leşkerî danîne û li kampa Nûr Şems jî malek şewitandin e.

Heyva Sor a Filistînê ragihand ku hêzên îşxalker ambulanseke xwe li kolana Nablus a nêzî Mizgefta El-Firdevs rawestand û dema ku ji bo birîndarekî di rê de bû, ew asteng kirin. (ÎLKHA)