Sîyonîstên îşxalker piştî peymana agirbest û pevguhertina êsîran a li Xezzeyê, êrîşên xwe yên li Şerîaya Rojavayê dijwartir kirin.

Di nav 24 seatên dawîn de rejima sîyonîst 3 êrîşên asîmanî li ser Şerîaya Rojavayê pêk anît, di encama êrîşê de herî kêm 15 Filistînî şehîd bûn.

Îşxalkerên sîyonîst, piştî agirbesta li Xezzeyê, di 21ê Çileyê de li dijî herêmê êrîşeke berfireh da destpêkirin, di êrîşan de ji 50ê zêdetir Filistînî şehîd bûn, ji 100î zêdetir Filistînî jî birîndar bûn.

Hejmarê xanîyên ku li Cenîna Şerîaya Rojavayê bi teqemenîyan hatine teqandin 23yan derbas kirîye.

Artêşa îşxalê jî bi êrîşên asîmanî, teqandina cîhên sîvîlan, zerardayîna binesazîyê, mecbûrkirina koçkirina Filistînîyan ji can û malên Filistînîyan re zerarê dide.

Di roja 5emîn a êrîşa li idjî Cenînê de bebikekî 2,5 salî di encama guleberdana artêşa îşxalê de şehîd ket.

Cîhên leşkerî yên sîyonîstan jiyanê ji Filistînîyan re dike wek cehnemê. Filistînîyan carna dema ku di wan nuqteyên leşkerî de derbas dibin herî kêm 4-5 seat têne sekinandin. (ÎLKHA)