Serokê Emrîkayê Donald Trump û Serokê Dewleta Rûsyayê Vladimir Putin, di hevdîtina ku li ser telefonê li dar xistin de pêvajoya agirbesta Rûsya-Ukraynayê axivîn. Hat destnîşankirin ku hevdîtin baş derbas bûye.

Alîkarê Midûrê Pênûsa Taybet ê Qesra Spî Dan Scavino li ser hîsaba xwe ya Xê daxuyanîyek parve kir û di daxuyanîya xwe de diyar kir ku Trump û Pûtîn li ser telefonê hevdîtineke berfireh kirin. Li gorî seata Emrîkayê hevdîtin, di seat 10.00an de dest pê kir û 2,5 berdewam kir.

Hêj ji teref Qesra Spî ve daxuyanîyeke fermî nehat dayîn, Kremlîn di daxuyanîya ku belav kir de destnîşan kir ku herdu serok jî di warê xebatên li ser pirsgirêkên çareserîya îxtîlafa Ukraynayê de li hev kirin. Xeyn ji vêya hat ragihandin ku ew ê di warê lihevkirina Ukraynayê de hem Rûsya hem jî Emrîka komên pispor amade bikin.

Kremlîn, diyar kir ku Putîn ji pêşnîyara Trumpê ku bila di nav 30 rojan de hem Rûsya hem jî Ukrayna êrîşî binesazîyan nekin re bi başîtî lê nihêrt. Qesra Spî jî, di daxuyanîya ku piştî hevdîtinê da de, bal kişand ku herdu serok jî di warê herb bi “aştîyeke mayînde” bidawî bibe de yekfikr in û îfade kirine ku divê mizakereyên berfireh jî berdewam bikin. (ÎLKHA)