Serokê Emrîkayê Donald Trump, di daxuyaniya xwe ya ewil a piştî êrîşên rejîma sîyonîst de diyar kir ku ew hêvî dikin ku pêvajoya danûstandinên nukleerî bi Îranê re bidomînin. Trump got, "Îran nikare bibe xwediyê bombeya nukleerî. Ger hewce be em ê îsraîlê biparêzin."

Trump bi rêya telefonê ji Fox News re axivî û got ku hinek ji serkirdayetiya Îranê mirine, lê pêvajo wê berdewam bike. Trump got, "Em hêvî dikin ku em vegerin ser maseya danûstandinan, em ê bibînin."

Trump diyar kir ku ew li bendê ne ka Tehran wê çawa bersiva êrîşên rejîma sîyonîst bide û tekez kir ku ew ê di her pêşketinek gengaz de li kêleka rejîma sîyonîst bin.

Daxuyaniyên Trump helwesta Emrîkayê li herêmê û piştgiriya wê ji êrîşên rejîma sîyonîst bi awayekî zelal eşkere kirin.

Serokê Emrîkayê tekez kir ku ger rageşiya li herêmê zêde bibe, wê gavên pêwîst ji bo temînkirina ewlehiya rejîma sîyonîst werin avêtin. (ÎLKHA)