Hat ragihandin ku di pevçûnên li Xan Yûnisê de gelek leşkerên birîndar ên rejîma îşxalker bi helîkopteran hatine tehliyekirin.

Çavkaniyên girêdayî rejîma sîyonîst ragihandin ku ji ber "bûyereke ewlehiyê ya dijwar" a ku doh bi şev li Xan Yûnisê qewimî, gelek leşker birîndar bûn û ji herêmê hatin tehliyekirin. Geşedanên li herêmê nîşan didin ku îşxalker di kemîneke nû de asê mane.

Li gorî agahiyên di medyaya îşxalker de, piştî operasyona li dijî yekîneya endezyariyê ya li Xan Yûnisê, balafirên şer ji herêmê re hatine şandin. Hate destnîşankirin ku helîkopter ji bo veguhestina leşkerên birîndar gelek caran daketin û firîn.

Platformên medyaya civakî yên aîdî niştecihên sîyonîst jî "bûyera ewlehiyê ya dijwar" a li herêmê piştrast kirin û ragihandin ku leşkerên birîndar bi helîkopterên leşkerî ji bo nexweşxaneyên li deverên îşxakirî têne veguhastin.

Medyaya îşxalker diyar kir ku qedexeya weşana bûyerê heye.

Sêşema borî, li Xan Yûnisê, efserek û şeş leşkerên îşxalker di kemînekê de ji teref Tûgayên Qessam ê baskê leşkerî yê HAMASê ve hatin kuştin.

Di dema operasyonê de, mucahîdekî Qessam bombeyek destan avêt wesayîteke zirxî ya îşxalkeran. Ev bûyer bû sedema zêdebûna bangên di nav civaka sîyonîst de ji bo bidawîanîna êrîşa li ser Xezzeyê. (ÎLKHA)