Serokê Parlamentoyê Muhammed Baqir Qalîbaf got ku heke pabendî neyên bicihanîn, alternatîfa leşkerî li ser maseyê ye.

Qalîbaf tekez kir ku mihwera berxwedanê têkoşîna xwe li ser qadeke erdnîgarî ya fireh didomîne û ew ji bo şer amade ne.

Serokê Parlamentoya Îranê û Sermuzakerê Giştî Muhammed Baqir Qalîbaf di bernameyeke televîzyonê de daxuyaniyên girîng dan û pêşketinên herêmî nirxandin. Wî diyar kir ku heke aliyê din wezîfeyên xwe bicîh neyne, alternatîfa leşkerî li ser maseyê dimîne û got ku cepheya berxwedanê têkoşîna xwe li ser qadeke erdnîgarî ya fireh didomîne.

Qalîbaf hûrgiliyên serdana xwe ya Swîsreyê û Peymana Îslamabadê parve kir û tekez kir ku divê alî pabendî wezîfeyên xwe bimînin. Wî îddîa kir ku kiryarên li dijî baregehên Amerîkî hatine kirin nîşan didin ku ew pabendî peymanê ne û diyar kir ku ew li hember hewldanên rejîma îsraîlê û aktorên wekî qaşo Wezîrê Derve yê Amerîkî yên ji bo sabotekirina peymanê di hişyariya dîplomatîk û leşkerî de ne.

Qalîbaf got ku "Niha danûstandin berdewam dikin. Lêbelê, heke aliyê din nexwaze wezîfeyên xwe bicîh bîne em ji bo şer jî amade ne" û dûre Wî destnîşan kir ku piştî rakirina Tengava Hurmuz û dorpêça deryayî, hinardekirina petrolê ji nû ve dest pê kiriye. Serokê Meclisê behsa êrîş û hewldanên dagirkirinê yên rejîma sîyonîst li Lubnanê kir û got ku çalakiyên li ser erdê û di qada dîplomatîk de ji nêz ve têne şopandin da ku bicîhanîna tevahî ya peymanê were garantîkirin. (ÎLKHA)