Her çiqas partiya Serokwezîr Sûdanî di hilbijartinên giştî yên li Îraqê de bi ser ket jî, Partiya Demokrat a Kurdistanê (PDK) bi serokatiya Mesûd Barzanî di hilbijartinên Herêma Kurdistanê de di rêza yekem de bû.

Komîsyona Bilind a Serbixwe ya Hilbijartinên Îraqê encamên fermî yên yekem ên hilbijartinên parlementoyê yên ku di 11ê Mijdarê de li Îraq û Herêma Kurdistanê hatin lidarxistin, di konfranseke rojnamevanî de li paytext Bexdayê eşkere kir.

Li gorî vê yekê, Koalîsyona Ji Nû Ve Avakirin û Geşepêdanê, bi serokatiya Serokwezîr Mihemed Şîa El Sûdanî, bû partiya yekem.

Partiya Takaddum a Serokê Parlamentoyê yê berê Mihemed Helbûsî di rêza duyemîn de û Hevpeymaniya Dewleta Hiqûqê ya Serokwezîrê berê Nûrî El Malikî jî di rêza sêyemîn de cih girt.

Sûdanî li bajarên Necef û Kerbelayê jî di rêza yekem de cîh girt.

Li Herêma Kurdistanê PDK di rêza yekem de ye

Partiya Demokrat a Kurdistanê (PDK) bi serokatiya Mesûd Barzanî li bajarên Mûsil, Hewler û Duhokê yên Herêma Kurdistanê bû partiya yekem.

Partiya Demokrat a Kurdistanê (PDK) hedefa xwe ya 1 milyon dengan derbas kir û bi 27 kursiyan di nav partiyên Kurdî de pêşengiya xwe parast.

Yekîtiya Niştimaniya Kurdistanê (YNK) 18 kursî, Helwest jî 5 kursî bi dest xistin

Partiya Yekîtîya Îslamî (Yekgirtû) dê bi 4 kursiyan, Nifşa Nû bi 3 kursiyan û Komel jî bi 1 kursiyê di parlementoyê de werin temsîlkirin.

Li Silêmaniyê, PUK bi 9 kursiyan, Helwest 3, KDP 2, Nifşê Nû 2 û Partiya Yekîtîya Îslamî (Yekgirtû) 2 kursiyan bi dest xistin.

Li Duhokê, PDK bi 9 kursiyan serdestiya xwe ya mutleq domand, di heman demê de Partiya Yekîtîya Îslamî (Yekgirtû) 2 kursî bi dest xistin.

Kerkûk

Li Kerkukê, ku di Parlamentoya Îraqê de bi 13 parlamenteran tê temsîlkirin, ku yek ji wan ji kotaya Xiristiyanan e, Kurdan kursiyek winda kir.

Yekîtiya Niştimaniya Kurdistanê (YNK) 4 kursî, Partiya Demokrat a Kurdistanê (PDK) jî bi 59.294 dengan 1 kursî bi dest xist.

Takaddum 3, Cepheya Tirkmenên Îraqê ya Yekgirtî 2, Koalîsyona Ereb 1 û Koalîsyona Ezîm jî 1 kursî bi dest xistin. (ÎLKHA)