Hevdîtinên Îranê bi sê welatên Ewropî (Îngilîstan, Elmanya û Fransa) re wê sibê dema sibehê li Konsulxaneya Giştî ya Îranê ya li Stenbolê bên lidarxistin.

Li gorî Ajansa Nûçeyan a Mehrê, danûstandinên ligel welatên E3, ku ji Fransa, Elmanya û Îngilistanê pêk tên, wê sibeha Înê li Konsulxaneya Giştî ya Îranê ya li Stenbolê werin lidarxistin.

Berdevkê Wezareta Derve ya Îranê Îsmaîl Bekayî ragihand ku Îran razî bûye ku li ser daxwaza welatên Ewropî bi temsîlvanên sê welatên Ewropî yên ku di peymana nukleerî ya 2015an de îmze kirine, dewreyeke nû ya danûstandinan li dar bixe.

Bekayî ragihand ku civîna li Stenbolê ew ê di asta cîgirên wezîrên derve û bi beşdariya cîgirên wezîrên derve yên Îranê Mecîd Tahtrevançî û Kazim Garîbabadî de were lidarxistin.

Alîyên Ewropî yên di peymana nukleerî ya bi Îranê re, ku wekî E3 têne zanîn, Îngilistan, Fransa û Elmanya, di 16ê Gulanê de li Stenbolê di asta alîkarên wezîrê karên derve de civiyan. (ÎLKHA)