Serokê Karûbarên Perwerdehîyê yê HUDA PARê Yahya Ograş weha got: "Em bang li endam û miletê xwe yên ezîz dikin ku zimanê xwe yê dayîkê hilbijêrin. Werin em bi hev re zimanê xwe yê dayîkê  biparêzin. Werin em wî bikin amûra yekîtî û hevgirtinê, nekin amûra polîtîkayên zext û asîmîlasyonê"

Alîkarê Serokê Giştî û Serokê Karên Perwerdehîyê yê HUDA PARê Yahya Ograş bang li hemû welatîyan kir ku îsal salnameya dersa hilbijartî ya bi sernava "Ez bi zimanê xwe dipeyivim û bawerîya xwe dijîm" bişopînin û beşdarî çalakîyên ku ew ê li dar bixin bibin.

"Heta ku em zimanê xwe nedin jiyandin nikarin di nav ewlehîyê de li pêşeroja xwe binêrin”

Ograş destnîşan kir ku ziman dewlemendîyek e û dûre weha got: "Li ser rûyê erdê her miletek xwedî reng û zimanek e. Dewlemendîya zimanan yek ji ayetên Rebbê me ye. Di ayeta 22emîn a sûreya Rumê de Rebbê me weha dibêje, ‘Yek ji delîlên Wî ew e ku asîman û erdê afirandîye û ziman û rengên we ji hev cuda ne. Bêguman di vîya de ji bo yên ku dizanin îbredan hene’ Rebbê me bi vê ayetê hikmê xwe bi zelalî anîye ziman. Cemîl Merîş jî gotîye ku ‘Kamus Namus e’ û bal kişandîye ku miletekî ku zimanê xwe nade jiyandin, ew ê bikeve nav pêvajoya hebo hebo windakiina nirx û qîmetên xwe. Çîmkî ziman; hiş, kevneşopî, hêstr, kelecan, êş, jan, hezkirin, îrfan û edebîyata miletekî ye. Yanê ziman bi xwe miletek e. Sînorên cîhana me ya derûnî bi zimanê me yê dayikê tê xêzkirin. Ji ber vê yekê bêyî ku zimanê xwe zindî bihêlin em nikarin bi ewlehî li pêşerojê binêrin."

"Em hewl bidin ku ji firsedên xwe herî zêde sûd werbigirin"

Yahya Ograş di berdewamê de weha got, "Gelê me yê Misliman ji ber bawerîya xwe divê dersên Qur'an, Sîyer û Zanînên Dînîya Bingehîn wek mecbûrî bigrin, lê mixabin sazûmanên laîk hewl da ku pêşî li vê yekê bigire." Û dûre axaftina xwe weha domand:

"Gelê me neçar ma ku ji ax û nirxên xwe were qutkirin, berê wan dan biyanîbûnê. Werin em kampanyaya xwe ya ji bo vegere ser koka xwe ya perwerdehîyê, Îslamê wekî referans bikar bînin, ji bo her du cîhanên xwe geş bikin, hembêz bikin û hewl bidin. Zimanên me ne yên ku hevdû ji hev vediqetînin an jî ji hev dûr dixin in. Zimanên me amûrên ku me bi hev didin naskirin e.”

"Em hilbijartina van dersan wekî firsedek girîng dibînin"

Ograş diyar kir ku xwendekar dikarin di dibistanên navîn de zimanê xwe yê dayîkê hilbijêrin û weha got: "Di nav dersên ku dikarin bên hilbijartin de dersên wek Kurmancî û Zazakî jî hene ku zimanên dayîkê yên bi milyonan welatîyên me ne. Em dibînin ku hilbijartina van ersan ji bo afirandina hişmendiya zimanê dayîkê di nav zarokên me de û bidestxistina agahiyê li ser pêkhateyên zimanên wan ên dayîkê wekî firsedek girîng e"

"Pêdivî ye ku bi têra xwe mamoste bên tayînkirin"

Ograş  ku îfade kir "Em bang li endamên xwe û gelê xwe yê ezîz dikin ku zimanê xwe yê dayîkê hilbijêrin." Weha berdewam kir, "Serlêdanên kêmasî, ji bo mamosteyên me yên ku di vî warî de perwerde dîtine lê nikarin bên tayînkirin jî pirsgirêka îstîhdamê çêdike. Lê di her rewşê de, pêwîst e ku bi têra xwe mamosteyên vê qadê bên tayînkirin. Pêvajoya hilbijartina dersên hilbijartî dê di demeke nêz de dest pê bikin. Di vê heyamê de rêxistinên me bi şaxên xwe yên jin û ciwanan re em ê biçin serdana midûriyetên perwerdehîya neteweyî û midûrên dibistanan, bi çalakiyên wekî vekirina standan, belavkirina belavokan, reklamên billboard û daliqandina brandayan, agahîyan bidin. Em ê ji bona ku bighêjin armanca xwe bixebitin.”

'Em hemû bi hev re zimanê xwe biparêzin'

Ograş di dawîya axaftina xwe de got, "Werin em bi hev re zimanê xwe yê dayîkê biparêzin. Werin em vê bikin amûra yekîtî û hevgirtinê, ne polîtîkaya zext û asîmîlasyonê. Em ji bîr nekin ku kulîlkên me çiqas rengîntir û zêdetir bin, biharên me yên ku bêne rengîntir jî hewqas xweşiktir be. Em hebûna xwe qewettir, pêşeroja xwe jî ronîtir bikin.” (ÎLKHA)