Keştiyeke barhilgir a hişk a bi ala Tirkîyeyê ku ji Bendera Tamanê ya Rûsyayê ber bi Trabzonê ve komir dibir, li Behra Reş rastî êrîşeke dronê hat. Di êrîşê de endamekî ekîbê hat kuştin û sê kesên din jî birîndar bûn.

Keştiya bi navê "MV Reyhan Sari" ku li qeyda bendera Stenbolê qeydkirî ye, dema ku barekî komirê ji Bendera Tamanê barkirî û ber bi Bendera Trabzonê ve diçû, li peravên Novorossiysk rastî êrîşekê hat.

Tê gotin ku êrîş bi dronê hatiye kirin, zirar daye keştîyê û personelên ku bi taybetî di odeya motorê de dixebitin jî tesîrdar bûne.

Yek ji endamên ekîbê li cihê êrîşê mir, her wiha sê karmendên birîndar piştî wergirtina dermankirina ewil ji navendên tenduristî re hatin rakirin. Hat hînbûn ku karmendên birîndar hêna jî têne dermankirin.

Piştî bûyerê, tedbîrên ewlehiyê li ser keştiyê hatin zêdekirin û lêpirsînên teknîkî hatin destpêkirin. Nirxandinên destpêkê nîşan didin ku keştî şiyana xwe ya deryayî diparêze û dikare rêwîtiya xwe bidomîne.

Her çiqas rayedar lêkolînên xwe yên li ser herêma ku bûyer lê qewimî û hûrgiliyên êrîşê didomînin jî, tê texmînkirin ku daxuyaniyek fermî derbarê tenduristiya ekîban de were dayîn. (ÎLKHA)