Şewatên daristanan ên ku li navçeyên Çeşme û Odemiş ên Îzmîrê derketin, ji ber bayên bihêz bi lez belav bûn. Sê tax hatin valakirin, û rêya Îzmîr-Çeşme ji ber sedemên ewlehiyê ji trafîkê re hat girtin.

Şewatên daristanan ên ku li du deverên cuda yên Îzmîrê derketin, rê li ber veguhestina bejahî girt û bû sedema valakirina taxan.

Şewata ku li qadeke çandiniyê ya Çeşmeyê dest pê kir û ber bi daristanê ve belav bû, di demeke kurt de bê kontrol belav bû.

Ji ber ku agir ji ber bayê gihîşt Rêbeja Îzmîr-Çeşmeyê, rê ji her du aliyan ve ji trafîkê re hat girtin.

Hat ragihandin ku agir li taxa Ildır derketiye û ber bi taxên Germiyan û Nohutalan ve belav bûye.

Bi sedan personel, bi dehan balafir û wesayîtên bejayî di hewldanên vemirandina şewatê de li herêma ku sê tax lê hatine valakirin beşdar dibin.

Walîyê Îzmîrê Suleyman Elban diyar kir ku encamên pêşîn ên derbarê sedema şewatê de xetên elektrîkê nîşan didin.

Ji aliyê din ve, di saetên êvarê yên heman rojê de li navçeya Odemişê jî şewateke bi heman rengî derket.

Şewata ku li taxên Tosunlar û Sucıktıyê tesîrdar bû, ji  hinek xaniyan re xesarê da.

Welatiyên her du herêman hatin tahliyekirin, lê ti ziyana giyanî çênebû.

Digel midexeleya tund a eîkban jî, agir hêna jî bi temamî nehatiye kontrolkirin. (ÎLKHA)