Li Dîyarbekirê di dema çêkirina pirê de îskele hilweşiya: 3 karker mirin
Li navçeya Qulpê ya Dîyarbekirê, di dema çêkirina pirekê de, ji ber hilweşîna îskeleyê sê karkeran canê xwe ji dest dan û du jî bi giranî birîndar bûn.
Bûyer, îro li ser rêya Qulp-Mûşê li ser vîyaduka ku di bin çêkirinê de bû, qewimî.
Piştî qezaya li cihê kar, ekîbên AFAD, tenduristî, cenderme û îtfaîyeyê bi lez û bez şandin herêmê û hewldanên rizgarkirin û alîkariya yekem dest pê kirin.
Di daxuyaniya Walîtiya Dîyarbekirê de ev tişt hatin diyarkirin:
"Di 11ê Mijdara 2025an de, di encama hilweşîna (qezaya kar) ya li ser rêya Qulp-Mûşê ya di bin çêkirinê de çêbû, 3 karkeran canê xwe ji dest dan û 2 karker jî bi giranî birîndar bûn.
Piştî bûyerê, ekîbên AFAD, Tenduristiyê, cenderme û îtfaîyeyê tavilê şandin herêmê û hewldanên rizgarkirin û alîkariya yekem bi lez û bez dest pê kirin. Karkerên me yên birîndar (yek bi ambulansa hewayî) ji bo dermankirinê rakirin nexweşxaneyan.
Derbarê qezayê de ji aliyê dezgehên dadwerî ve lêpirsîn hatiye destpêkirin û bûyer bi hemû aliyên wê ve tê lêkolînkirin.
Em ji bo welatiyên xwe yên ku canê xwe ji dest dane rehmeta Xwedê dixwazin, ji malbatên wan re sersaxî û ji bo birîndaran jî şifaya bilez dixwazin." (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Li bajarokê Kayapinar ê navçeya Kercewsê ya Êlihê, bi saya înîsiyatîfên Serokê Şaredariya HUDA PARê Samir Ozhan, tevî çavkaniyên kêm, projeyên girîng ên civakî hatin bicîhanîn.
Di encama operasyona ku li Stenbolê li dijî DAEŞê hat lidarxistin de 12 kes hatin binçavkirin.
Li ser rêya Qonye û Enqereyê qezaya trafîkê pêk hat, di encamê de 2 jê zarok 5 kes birîndar bûn.