Şewata ku ev bû çend roj e li Karabûk û Bûrsayê derketine digel temamî midexeleyan nayên kontrolkirin. Li Karabûkê şewateke nû derket, şewata li Harmancika Bûrsayê jî gihîşt nav jîngehan.

Şewatên daristanê ku li çar alîyê Tirkîyeyê derketine, bi tesîra hewaya germ û bayê mezin dibin.

Şewata ku di 23yê Tîrmehê de dest pê kiribû hêna jî jê re midexele tê kirin, doh di seatên êvarê de li nêzê gundê Kahyalarê şewatekî dinê jî derket. Ji ber ku şewat gihîşt herêma jîngehan gundê Kale û Kahyalarê hatin valakirin.

Ji ber ku şewat gihîşt Girtîgeha Zobran, Dibistana Bilind a Mesleka Polêsê û Herêma Senayî ya Organîzeyê ji herêmê re gelek ekîb hatin şandin. Midexeleya ji şewatê re heta serê sibehê berdewam kir.

Ji bilî vana li gundê Yakuplara navçeya Orhanelî ya Bûrsayê jî şewatek dest pê kiribû û ew şewat bêrê xwe da Harmancikê.

Xebatên ku di bin koordînasyona AFAD û Midûrtîya Herêma Daristanê de têne lidarxistin bi 712 wesayît û nêzê 1500 personelan tê lidarxistin. Ekîbên midexeleya di seatên serê sibehê de ji hewa û bejahîyê, di seatên êvarê de jî tenê ji alîyê bejahîyê dikarin midexele bikin.

Li herêmê 64 wesayîtên midexeleya ewil, 422 qamyonên avê, 43 wesayîtên kar û 183 wesayîtên tehlîyeyê wezîfe dikin.

Rêya Harmancik-Orhanelîyê ji ber şewatê bi qismî hat girtin.

Rayedaran hişyarî dan ku bila welatî haydarbin û li gorî daxuyanîyên rayedaran hereket bikin. (ÎLKHA)