Di Koordînatortîya Cizîrê ya Weqfa Evîndarên Pêxember de, li navçeya Cizîra Şîrnexê bernameya Mewlûda Nebî hat terîpkirin, ji rayedarên Weqfê Mele Osman Tayfur axivî di bernameyê de û weha got, “Xûşk û birayên me yên Filistînî di pêşengîya Hezretî Resulullah de berxwedanekî nîşan didin. Divê ji zalim, sîyonîzm û emperyalîzma vê dinyayê re dengê xwe derxin. Heger însanîyet ji zilma li Filistînê re bêdengmayîna xwe bidomîne ew ê ji rê derkeve.”

Weqfa Evîndarên Pêxember, di çarçoveya “Jîyandin û Fêhmkirina Sunneta Hezretî Muhammed” de her sal bernameyên Mewlûda Nebî tertîp dike, Weqf, vê salê jî bi şîara “Rêberê Berxwedanê Hezretî Muhammed” bernameyan da destpêkirin.”

Bernameya Mewlûda Nebî ya ku li navçeya Cizîra Şirnexê dest pê kir, li Beşa Şanoya Amfî ya Pira Îsmaîl Ebul-îz El Cezerî hat tertîpkirin.

Di bernameyê de ji endamên ÎTTÎHADUL ULEMAyê Mele Osman Tayfur, axavtnek kir.

Tayfur bibîrxist ku temaya vê salê wek “Rêberê Berxwedanê Hezretî Muhammed” hatîye diyarkirin û got, “Xwedê di dîrokê de ji bona ku li rûyê erdê zilmê, şîrkê û kufrê rabikin; û ji cîhê wan re tewhîd, edalet û biratîyê hakim bikin resulan şandîye. Van resulan jî ji însanîyetê re rêbertîyê kirine. Xwedê di ayeta xwe de dibêje, ‘Me wan û alim û muwahhîdên ku tabiê wan bûne bi îzna Xwedê însanîyetê bighêjînin hîdayetê rêber kirîye.’ Xwedê pêxemberên xwe ji bo tesîskirina edalet, biratî û azadîyê şandîye. Rêberê herî dawîn jî Resulê Xwedê Hezretî Muhammed Mustafa ye. Ew bi îman, sebr, micadele û cîhada xwe ji her alîyê heta qîyametê mînakek û rêberek e.”

Mele Tayfur ayeta ku dibêje, ‘Sond be ku di Resulê Xwedê de ji bo we nimûneyên xweşik hene.’ Bibîrxist û got, “Ew di berxwedana xwe de jî ji me re mînak e. Ew li hember tarîtîya şîrkê, bi heq û edaletîya xwe ji me re mînaka berxwedanê ye. Ew ji însanîyetê re wê çawa berxwedanê bidin nîşan daye.”

“Hezretî Muhammed, bi berxwedana xwe û sebra xwe koşka zilmê tarûmar kir”

Tayfur weha berdewam kır:

“Rojekî Resulê Xwedê malbata Yasîrê ku dûçarê îşkenceyê dibûn dît. Ew di bin îşkenceyan de nale nalê dikirin. Di destê Resulê Xwedê de tu hêz û qewetekî tinebû… û ji wan re got ‘Ey malbata Yasîr, li ser heq û tewhîdê micadeleyê bikin. Heger hûn berxwe bidin û sebatê nîşan bidin eva ku ji we re hatîye weedkirin cennet e.’ Yanê sebr bikin, li hember kufrê çok daneynin, teslîmê wan nebin, li ser heqîyê jîyana xwe bidomînin. Resulê Xwedê ji wan re vê tewsîyeyê da.

Hebbab Bîn Ered, ji ber îşkenceyên ku lê dihatin kirin hat cem Resulê Xwedê û got, ‘Ya Resulê Xwedê, tu ji bo me ji Xwedê alîkarîyê wê nexwazî.’ Rûyê Resulê Xwedê sor bû û got, ‘Ya Hebbab, muminên berîya we hene ya. Ji wan zilamên wisa hebûn ku, ji teref kafiran ve dihatin qefaltin çal dihatin kolandin û wan dikirin nav wan çalan. Bi birekê dihatin serjêkirin û dibûn duparçe. Bi şeyên hesin goştê wan ji hestîyên wan dihatin veqetandin lê ew digel vana dîsa jî ji dînê xwe nezivirîyan. Ew sebir kirin. Sond ji Xwedê re be ku ev dîn, ji Sanayê (Paytexta Yemenê) heta Hedremutê (Li Libnanê ye) wê hakim bibe. Dema ku karwanekî birê bikeve xeyn ji tirsa Xwedê û tirsa guran ew ê edaletek hakim bibe.’”

Yanê ji Hebbab re sebrê dide hînkirin, berxwedanê dide hînkirin. Yanê Hezretî Muhammed bi berxwedan û sebra xwe koşkên zilmê tarûmar kir. Mezlum û mustezefan xelas kir. Ji ber vê yekê ew rêberekî berxwedanê ye, ew rêber e.”

Mele Osman Tayfur destnîşan kir ku rêya tenê heye ku li hember wan kesên ku rûyê erdê dikin gola şîrkê, neslan tune dikin, hemû rûmetên însanan dikin bin nigan exlaqa berxwedana Hezretî Muhammed e.

Tayfur bal kişand ku dema mirov qala berxwedanê bike û li ser vê meseleyê qala Xezzeyê neke nabe weha got, “Îro li Filistînê rûmeta însanîyetê hatîye kirin binê nigan. Hemû nirxên însanan hatine tunekirin. Li Xezzeyê însanîyet tê tunekirin û hemû însanîyet jî wê temaşe dike. Em mecbur in ku ji zilma li Filistînê re dengê xwe derxin. Xûşk û birayên me yên Filistînî di pêşengîya Hezretî Resulullah de berxwedanekî nîşan didin. Heger însanîyet ji vê zilmê de bêdengîya xwe bidomîne ew ê însanîyet tune bibe. Divê em jî wek Misilman û însanan bertekên xwe nîşan bidin.” (ÎLKHA)