Omer Çelîk Xoce di bernameya Mewlûdê ya Êlihê de axivî û got, "Hezretî Muhammed, di jîyana xwe ya 63 salî de modeleke jiyanê ya ku însanîyet jê dikaribe îstîfade bike nîşan daye. Bi zelalî di holê de ye ku di vê çaxê de hemû însanîyet mihtacê reçeteya xelasîya Wî ye.”

Weqfa Evîndarên Pêxember li Êlihê li qada mewlûdê ya li kêleka Xaraja Nû ya Êlihê bi temaya "Rêberê Berxwedanê Hz. Muhammed" bernameya Mewlîd-î Nebî li dar dixe.

Bernameyta ku bi mazûvaniya Mustafa Tufan û Fatîh Taş hat lidarxistin, ji teref Îmam Hatîp Îbrahîm Halîl Yakut Hoca ve bi xwendina Quranê dest pê kir. Di çalakiyê de Mewlûda Şerîf a ku qala jiyana Pêxember dike jî hat xwendin.

Endamê Lijneya Weqfa Evîndarên Pêxember û Serokê Platforma Kerwana Şehîdan Omer Çelîk Hoca jî axaftinek kir.

Çelîk weha got: "Evîna Muhammedî ji rojhilat ber bi rojava, ji bakur ber bi başûr, bajar bi bajar, santîm bi santîmek belav dibe, kuçe û kolan bi navê Wî yê bi bereket hatine xemilandin, meydanên ku hesreta avhewaya ruhî ne, bi sed hezaran însanan Wî bi bîr tînin."

Çelîk ku armanca xwe ya di van bernameyan de nirxand û weha dewam kir:

"Du çavkaniyên girîng û neguherbar ên Îslamê Quran û Sunnet in. Quran peyva Xwedê ye, Sunnet jî Sîyera Pêxember e. Ev her du çavkanî îzeh dikin û hev temam dikin. Ji ber vê yekê baştirîn rê ji bo têgihîştina Îslamê ew e ku van her du çavkaniyan bi hev re fêm bikin. Dema ku em qala Îslamê dikin, em qala Hezretî Muhammed dikin. Xelasîya însanîyetê; Bawerkirina kitêba ku ji wî re hatîye şandin (Quran) û Tabi’îbûna sunneta Wî ye. Quran û Sunnet durûyê qûmaşekî ku ji hev nayên veqetandin in.

Bi deh hezaran Evîndarên Pêxember, jin û mêr, ciwan û pîr, zarok û jin, meydan tijî kirin; Ev yek nîşanî her kesî dide ku tu kes, tu hêz nikare van kesan ji Hz. Muhammed û rêya wî qut bike û hezkirina pêxember wê heta ebedî li van axan bimîne. Weke Weqfa Evîndarên Pêxember em her sal di van bernameyan de rastiyên ku wê mirovahiyê ber bi rêya wî ya rizgariyê ve bibin, tînin rojevê.”

“Lehiya hezkirina Pêxember misilmanan di sefekî de dighîne hev”

Omer Çelîk bi bîr xist ku wan temaya Mewlûd-î Nebî ya îsal li gorî ruhê serdemê Rêbertiya Berxwedanê Hz Muhammed destnîşan kirine û weha got: "Ev meyla xweş a li hember Pêxember û ev lehîya evînê ya bi heybet misilmanan li ser heman xetê, di bin alayên Tewhîdê de digihîne hev û di dîmenên bênav ên wehdetê de diyarî dike. Wîladeta pîroz ê Pêxemberê me; ji Misilmanan re, ji biharê re û ji hemû mewcûdatê re rihekî Muhammedî dide û demsalekî ku bêhna nebewî hakim dibe dide jîyandin.”

"Hemû mirovahî ji bo xelasîyê mihtacê reçeteya Wî ye"

Çelîk weha got: “Pêxemberê me (s.a.w.) ku di şeva 12emîn a meha Rebîul Ewelê de hat dinyayê, Ew bi hatina xwe çirûskên ewil ên guhertina dîrokê, jiyanê û cîhanê bêxist. Hezretî Muhammed, di jîyana xwe ya 63 salî de modeleke jiyanê ya ku însanîyet jê dikaribe îstîfade bike nîşan daye. Bi zelalî di holê de ye ku di vê çaxê de hemû însanîyet mihtacê reçeteya xelasîya Wî ye.”

Çelîk Xoce destnîşan kir ku Xwedayê Teala pêxemberên ku her yek ji wan nîşana rehmetê bûn ji bo bextewariya dinya û axretê bi rehma xwe ya li ser mirovahiyê şandiye û weha got: “Ev zincîra bi bereket a ku bi Hezretî Adem dest pê kir bi Hz. Muhammed dawî bûye. Bi wehya yekem de hemû dinyayê ronî kir, mirovatiyê bi wî re fêhm kir ku ew rûmeta afirandinê ye, em ji Rebbê xwe yê mezin dua dikin ku ew micadeleyên ku têne dayîn ji bona ku riya pêxemberê me yê pîroz ji însanîyetê re îhya û lêkirinê bike bighêjîne hedefê wî.”

Çelîk herî dawîn weha got, "Em weke Weqfa Evîndarên Pêxember em dizanin ku çareseriya herî xweş û rast a pirsgirêkên me, reçeteya xelasîya me li cem Wî ye. Ji ber vê yekê em erka xwe dibînin ku ji bo pêşkêşkirina vê receteyê ji tevahiya mirovahiyê re hewl bidin û xwe ji mirovahiyê berpirsyar dibînin. Em bawer dikin ku hewldanên bi vî rengî wê her ku zêde bibin dê fêkiyê bidin û mirovahî wê bigihêje ronahiya bêbextiya îmanê ya ji gulana bêbextî û tarîtiyê. Silav li ser Siltanê alemê Hebîb-î Zîşan be.” (ÎLKHA)