Pêşbirka Sîyerê ya ku xelata Umreyê heye, kevneşopiyeke ku ji hêla Evîndarên Pêxember ve hatiye çêkirin, îsal bi heyecaneke mezin dest pê dike. Pêşbirk dê bi sed hezaran beşdaran ji seranserê Tirkiyeyê bikişîne û armanc dike ku jiyana mînakî ya Pêxemberê me bi nifşên nû bide nasîn.

Serlêdanên ji bo Pêşbirka Sîyerê ya bi mijara "Wî Bixwîne, Wî Bijî" ku Xelata Umreyê digire, dest pê kir û her sal bi sed hezaran kes ji çar aliyên Tirkiyeyê bi coş beşdar dibin.

Pêşbirk ji aliyê Weqfa Evîndarên Pêxember ve tê lidarxistin û armanc dike ku jiyana mînakî û nirxên exlaqî yên bilind ên Pêxemberê me Hezretî Muhammed (silavên Xwedê li ser wî be) bigihîne hemû beşên civakê.

Mehmet Emin Sutçu, Serokê Komîsyona Pêşbirka Sîyerê, li ser navê weqfê daxuyaniyek da û diyar kir ku ev pêşbirk ne tenê pîvandina zanînê ye, lê di heman demê de evîna Pêxember jî zindî dihêle û nirxên wî yên exlaqî jî bicîh tîne.

“Kî guh bide Pêxember, bi rastî wî guh daye Xwedê.” (Nîsa, 80) “Heta ku ez ji bo wî ji bavê wî, zarokê wî û hemû mirovan hezkirîtir nebim, tu kes ji we bawermend nabe.” (Buxarî)

Sutçu di daxuyanîya xwe de îfade kir ku îteatkirina Wî, rasterast guhdarî û îteatkirina Xwedê ye. derheqê jîyana civakê de jî şîroveyan kir û Sutçu got, “Em ji her demê bêtir pêwîstiya xwe bi exlaq û prensîbên wî hene".

Derheqê armanca pêşbirkê de axavtin hat kirin û hat gotin ku pêşbirk di pêşveçûna manewî û exlaqî ya nifşên ciwan de roleke girîng dilîze.

Sütçü derbarê dîroka pêşbirkê û agahiyên giştî de ev tişt parve kir:

“Kategoriyên pêşbirkê û pirtûk

Kategoriya 1: (Xwendekarên pola 4 û 5)

Kategoriya 2: (Xwendekarên pola 6, 7 û 8)

Kategoriya 3: Xwendekarên Lîseyê (polên 9, 10, 11 û 12) û yên ku di sala 2010an an paşê de hatine dinyayê û perwerdehiya fermî nexwendine.

Kategoriya 4: Yên Din (Yên Ji Bilî Rewşa Perwerdehiyê ya Diyarkirî)

Pirtûkên pêşbirkê:

Kategoriya 1emîn û 2yemîn: Xebata bi navê "Jiyana Pêxemberê Min" ku ji hêla İDEV (Komîsyona Perwerdehiyê ya Weqfa Perwerdehiya Îdeal) û Weşanxaneya Dua ve hatiye weşandin,

Kategoriyên 3yemîn û 4emîn: Pirtûka bi navê "Habibê Xwedê" ya Mehmet Emin Sutçu, ji hêla Weşanxaneya Dua ve hatiye çapkirin.

Salnameya serlêdan û pêşbirkê

Emîn Sutçu bi bîr xist ku pêvajoya serlêdana ji bo pêşbirkê dê di navbera 17ê Cotmeha û 16ê Çileya 2026an de, bi rêya malpera www.peygambersevdalilari.com were kirin û got: 

Pêşbirk ew ê di navbera (08 Sibat 2026 / Yekşem 11:00-12:30) - (Seata Tirkîyeyê) de li navendên pêşbirkê yên ku dê li ser malpera www.peygambersevdalilari.com ji teref Weqfa Evîndarên Pêxember ve hatine destnîşankirin werin weşandin, di heman demê de di yek rûniştinê de were lidarxistin. Her wiha, pêşbirk dê bi rêya e-name/SMS-ê li ser xalên têketina pêşbirkê werin agahdarkirin.

Naverok û nirxandina pêşbirkê

Sutçu diyar kir ku di pêşbirkê de du celeb broşûr hene, A û B, û got, "Di broşûran de dê di kategoriyên 1 û 2 de 60 pirs û wexta bersivdayînê ya 90 deqîqe, di kategoriyên 3 û 4 de 75 pirs û wexta bersivdayînê ya 90 deqîqe hebin, û puan jî wê ji 100î were nirxandin. Seata pêşbirkê ji bo hemî kategorîyan yek e."

Xelat û pişkên surprîz

Sutçu diyar kir ku hemû xelat dê li seranserê Tirkiyeyê werin belavkirin û ev agahî parve kir:

"Di Kategoriya 1ê de: Bi tevahî 400 xelat wek laptop, bisiklêt, tablet, saetên destan ên jîr. Di Kategoriya 2yê de: Bi tevahî 600 xelat wek laptop, bisiklêt, tablet, drone û teleskop. Di Kategoriya 3yê de: Bi tevahî 150 xelat wek Umre, laptop, çaryeka zêr, tablet, drone û teleskop. Di Kategoriya 4ê de: Bi tevahî 150 xelat wek Umre, laptop, nîva zêr, çaryeka zêr û saetên destan."

"Di navbera beşdarên pêşbirkê de 16 xelatên zêrîn ên çaryeka pêşîn dê hebin, û pişk dê were kişandin"

Serokê Komîsyonê Mehmet Emin Sutçu daxuyaniya xwe bi van gotinan bi dawî kir:

“Ji bilî xelatên jorîn, dê 16 xelatên çaryeka zêrîn ji bo hemî pêşbazan, bêyî ku rêza wan çi be, werin dayîn. Ev xelat dê wiha werin belavkirin: Komîsyona pêşbirkê dê bi awayekî elektronîkî çar lotan ji nav beşdarên her kategoriyê bikşîne û çar xelatên çaryeka zêrîn dê ji her kategoriyê re, bêyî ku rêza wan çi be, werin dayîn.” (ÎLKHA)