Sîyonîstan li çend herêmên cuda yên Xezzeyê sîvîlan hedef girtin. Di êrîşan de piranîya wan zarok herî kêm 8 kes şehîd bûn, bi dehan kes jî birîndar bûn.

Rejima sîyonîst, li Taxa ed-Dereca Xezzeyê, sîvîlên ku li duraxê disekinîyan hedef girt.

Di encama êrîşê de herî kêm 8 kes şehîd bûn, gelek kes jî birîndar bûn.

Mirovên ku bûyerê dîtin îfade kirin ku li herêmê gelek sîvîl hebûne. Rewşa birîndaran jî piranîya wan giran in.

Xeyn ji vêya, li rojhilata Cebalîyeyê jî gelek xanî, ji teref rejima sîyonîst ve hat bomberdmankirin.

Çavkanîyên tenduristîya Xezzeyê, îfade kirin ku ji seatên serê sibehê vir ve herî kêm 52 kes şehîd bûn.

Ji 7ê Cotmeha 2023yan vir ve hejmarê şehîdan gihaşt 53 hezar û 573an, birîndar jî bûn 112 hezar û 688an.

Tê destnîşankirin ku piranîya şehîdan zarok û pîrek in, bi sedan mirov hêna jî di bin kavilan de ne. (ÎLKHA)