رێخکراوەکانی دەزگاکانی مەدەنی ئیسلامی دیاربەکر لە دیاربەکر گردبوونەوەیەکیان ڕێکخست و هەزاران کەس بەشداریان لە گردبوونەوەکە کرد.

ناڕەزایەتی لە بەرامبەر رژێمی داگیرکەری سەهیۆنی بەردەوامە کە لە کاتی پاشیو ئاگربەستی هەڵوەشاند و هێرشی کردە سەر غەززە.

رێخکراوەکانی دەزگاکانی مەدەنی ئیسلامی دیاربەکر لە دیاربەکر گردبوونەوەیەکیان ڕێکخست. هەزاران کەس بەشداریان لە گردبوونەوەکە کرد و دروشمیان لە دژی رژێمی داگیرکەری سەهیۆنی دەگوتەوە.

فاتیح تاش لە سەر ناوی دەزگاکانی مەدەنی ئیسلامی راگەیەندراوی میدیایی خوێندەوە.

تاش ئاماژەی بەوە کرد کە ئەم کۆمەڵکوژی و جینۆسایدە جارێکی دیکە رووی راستی و وەحشی ڕۆژئاوای نیشان دایەوە.

ناوبراو بە ئایەتی، "مەگین ئەوانەی باوەڕیان بە خوا هەیە و ئاکارچاکن و زۆر یادی خوایان کردووە و پاش ئەوەی چەوسێنرانەوە، هەر تۆڵەی خۆیان کردەوە. ناهەقانیش زۆر پێ ناچێ دەوە دەگەن کە سەرەنجام کێوە دەچن." دەستی بە پەیامەکەی کرد و وتی، "سڵاو لە هەڵگرانی عیزەت بێت. سڵاو لەوانە بێت کە لە دژی زاڵمەکان دەوەستن. سڵاو لەوانە بێت لە ڕیزی مەزلومەکاندا دەبن. سڵاو لەوانە بێت لە دژی جینۆسایدی غەززە بێ دەنگ نین. سڵاو نەوەکانی سەلاحەدین ئەیوبی و عبدالحمید خان بێت."

"ئاهی مەزلوم گەشتە عەرش"

تاش لە بەردەوامی ئاماژەی بەوە کرد کە رژێمی داگیرکەری سەهیۆنی بە هەماهەنگی لەگەڵ ئەمریکا هێرشی کردووە سەر خێمەکان لە غەززە و وتی، "لە کاتی پاشیو هێرشیان کرد. منداڵە بێ تاوانەکانمان کردە ئامانج کە لە خێمەکان نوستبوون. ئافرەتەکان، منداڵەکان و مەزلومەکان کوژران. لە غەززە کۆمەڵکوژیێک ئەنجام درا. زیاتر لە ٣٠٠ کۆرپە، منداڵ، ئافرەت و مەزلوم بەخاک سپێردران. ویجدانەکان بوونەتە وەک ئاگر. ئاهی مەزلوم گەشتە عەرش... فەریادی دایکەکان ویجدانەکانی سووتاند. ئیتر قسەیەک نییە بڵێین. هەرچەند دونیا لە بەرامبەر ئەم ستەمە بێ دەنگ بێت ئەوەندە زیاتر دەبێت. هەڵبەتە ڕۆژێک حیسابەکەی دەدەن. رژێمی داگیرکەری سەهیۆنی بە هەماهەنگی لەگەڵ ئەمریکا هێرشی کردە سەر خێمەکان لە غەززە. ئێمە جارێکی تر ڕووخساری وەحشی سەردەمی مۆدێرنمان بینی کە دان بە هیچ پیرۆزییەک و ڕێسا و پێوانەیەکدا نانێت."

"کوا ئەوانەی باسی پارێزبەندی خەڵکی مەدەنی دەکەن؟"

ناوبراو لە بەردەوامی وتی، "لە کۆتایی رێککەوتنی ئاگربەست و قۆناغی یەکەمی ئاڵوگۆڕی دیلەکان کە لە ئەنجامی سەرکەوتنی حەماس لە ١٩ی کانوونی دووەمدا، ستەمکاران جارێکی دیکە خوێنی ستەملێکراوانیان ڕشت. رژێمی داگیرکەری سەهیۆنی کە ڕێککەوتنی ئاگربەستی پێشێل کرد، بە پشتیوانی ئەمریکای دڕندە و چەتەی دەریایی جارێکی دیکە کۆمەڵکوژییەکی ئەنجامدا. بەم هێرشانە کە لە قۆناغی یەکەمی ئاگربەستدا ئەنجامدرا، پێش ئەوەی خوێنی گەلی ستەملێکراوی غەززە لە دەستی ستەمکاراندا وشک بێتەوە، جارێکی دیکە خوێنی گەلی ستەملێکراو بەسەر ڕووخساری ستەمکاراندا ڕژا. هەروەها ئەم خوێنە ڕژاوەتە سەر ڕووخساری ئەو کەسانەی کە لە دیوی ستەملێکراوان ڕاوەستاون و لە بەرامبەر ستەم بێدەنگ بوون و درێژەیان بە پەیوەندییە بازرگانییەکانیان لەگەڵ سەهیۆنییەکاندا داوە. کوا ئێوە ئەوانەی باس لە مافی مرۆڤ و مافی ژنان و مافی منداڵان و پێشێلنەکردنی خەڵکی سڤیل دەکەن و دەنووسن؟ کوا ئەوانەی باسی پارێزبەندی خەڵکی مەدەنی دەکەن؟"

"رژێمی داگیرکەر و ئەمریکای پشتگرەکەی هەموو کاتێک لە ویجدانی مرۆڤایەتیدا مەحکوم دەبن"

فاتیح تاش لە بەردەوامی وتی، "ئەمریکا و وڵاتانی ڕۆژئاوا کە بەرگری لە مافی چارەی خۆنووسین دەکەن، هەموو بەهاکانیان پێشێل دەکەن و دژایەتی ئەو ئایدیاڵانە دەکەن کە بۆ جیهان دەیخەنە ڕوو. دەمامکەکانتان کەوتوونەتە خوارەوە، لە خوێنی ستەملێکراواندا دەخنکێن. بەپێی ئەو یاسایەی کە کوفر بەردەوام دەبێت بەڵام ستەم بەردەوام نابێت، کۆتاییت نزیکە. سەرئەنجامێکی وەک فیرعەون و نەمرود چاوەڕێت دەکات. بەڵێنی خوای گەورە ڕاستە، بە دڵنیاییەوە سەرکەوتن بۆ ئەو کەسانە دێت کە باوەڕیان هێناوە. ڕژێمی سەهیۆنی و لایەنگرانی، ئەمریکا و وڵاتانی دیکەی ڕۆژاوایی، هەمیشە لە ویژدانی مرۆڤایەتیدا مەحکووم دەکرێن. تا مێژووی مرۆڤایەتی بوونی هەبێت، هەمیشە بە نەفرەتێک یادیان دەکرێتەوە. لە ڕێگەی ستەمەوە خۆشگوزەرانی نییە. ڕۆژێک دێت، بە دڵنیاییەوە حسابێک بۆ ئەم دڕندەییانە دەکرێت."

"سەهیۆنییەکان هەوڵیان دا بە برسێتی گەلی غەززە لە ناو ببەن"

تاش لە بەردەوامی ئاماژەی بەوە کرد کە سەهیۆنییەکانی داگیرکەر بە داخستنی دەروازەکانی غەززە لە مانگی رەمەزاندا هەوڵی لەناوبردنی گەلی غەززە بە برسێتی دەدات و وتی، "بێ خواردن و ئاو و دەرمان و هەموو پێداویستیەکانی مرۆڤ مانەوە. کاتێک نەیانتوانی ئەم کارە بکەن، دەستیان کرد بە هێرشکردن و فڕێدانی بۆمب. ئیرادەی پۆلایی گەلی قارەمان و مەزلووم غەززە نەهەژایەوە. بە ئیمانی وەک چیا پەنایان بردە بۆ خودا. هەموو دونیا پشتی لێکردن، ئەوانیش گرنگییان پێنەدا کە هەموو دونیا بە تەنیا جێیان بهێڵێت. پەنایان بۆ خوای پەروەردگاری جیهانەکان برد."

"بەرخۆدانی بێ چەواشەکاری خەڵکی غەززە بە ئیزنی خودا سەرکەوتنی بەدەستد دەهێنێت"

تاش لە بەردەوامی وتی، "ئەوان بەرەنگاری فیرعەون و نەمرودەکانی سەردەمی مۆدێرن بوون. ئەوان لە بەرامبەر ستەمکاران بەرز ڕاوەستان و چەکەکانیان تەسلیم نەکرد. بەرخۆدانی بێ چەواشەکاری مشتێک موجاهیدی قارەمان و خەڵکی غەززە، بە ئیزن و فەزڵی خوای گەورە، ئەمڕۆ و سبەی سەرکەوتنی لێدەکەوێتەوە، هەروەک چۆن دوێنێ بوو. ئەم سەرکەوتنە دەبێتە سەرکەوتنی ئیمان، سەرکەوتنی باوەڕ، سەرکەوتنی ئیرادە و کۆڵنەدان."

"پڕۆژەیاسای لەبارەی هاوڵاتیانی تورکیا کە هاوڵاتی رژێمی داگیرکەری سەهیۆنین دەبێت هەرچی زووە بکرێتە بە یاسا"

ناوبراو لە کۆتاییدا بانگێشتی گەلانی ئازادی جیهان و رابەرانی بە ویجدانی دەوڵەتەکان کرد، "پێویستە فشار بخرێتە سەر رژێمی داگیرکەری سەهیۆنی کە ئاگربەست پێشێل دەکات و دڵنیا بکرێتەوە کە دەگەڕێتەوە بۆ ئاگربەست.

پێویستە کۆتایی بە رێگریکردن لە راگرتنی گواستنەوەی هاوکارییەکان بۆ غەززە بکرێت، هەروەها پێویستە هەموو هەوڵێک بدرێت بۆ ئەوەی هاوکارییە مرۆییەکان بگاتە غەززە.

دەبێت پاڵپشتی سەربازی و لۆجستی و تەکنەلۆژی بۆ بەرخۆدان بکرێت.

پێویستە پشتگیری لە مەرجەکانی حەماس بکرێت بۆ ئاگربەستی هەمیشەیی لە غەززە.

لە ئاکامی بڕیارە نێودەوڵەتییەکان، دەبێت گوشار بخرێتە سەر هاوپەیمانی خراپەکاری سەهیۆنی بۆ دڵنیابوون لەوەی کە بڕیارەکانی سەبارەت بە دامەزراندنی ئاگربەستی هەمیشەیی لە غەززە، کشانەوەی داگیرکەران لە غەززە، ئاوەدانکردنەوەی غەززە و گەیاندنی یارمەتییە مرۆییەکان بە کردەوە جێبەجێ بکرێن.

ئێمە پشتیوانی ئەو دەوڵەتانە دەکەین کە هەوڵ دەدەن بۆ ناساندنی دەوڵەتی فەلەستین و کۆتایی هێنانی جینۆساید لە غەززە. ئێمە پشتگیری هەموو دەستپێشخەرییە نێودەوڵەتییەکان دەکەین لەسەر ئەم بابەتە.

بەردەوام بن لە بایکۆتکردنی ئەو بەرهەمانەی کە پشتیوانی لە رژێمی داگیرکەری سەهیۆنی دەکەن.

دەستبەرداری هەموو جۆرەکانی بازرگانی بە تایبەت ناردنی نەوت بۆ رژێمی داگیرکەری سەهیۆنی لە رێگەی وڵاتی سێهەمەوە بن.

پڕۆژەیاسای لەبارەی هاوڵاتیانی تورکیا کە هاوڵاتی رژێمی داگیرکەری سەهیۆنین دەبێت هەرچی زووە بکرێتە بە یاسا

ئەو سەهیۆنییانەی کە هاووڵاتی تورکیان و تاوانی جینۆسایدیان لە غەززە ئەنجامداوە، نابێت بێ سزا بمێننەوە، پێویستە لەبەردەم یاسادا دادگایی بکرێن و بە توندترین سزا سزا بدرێن.

تا رژێمی داگیرکەری سەهیۆنی بە دەریادا بشۆردرێت و لە نەخشەدا بسڕدرێتەوە، بە ئیرادە و پێداگری بەردەوام دەبین لە بەرگریکردن لە دۆزی قودس.

سڵاو لە گەلی قارەمانی غەززە و سەرکردەکانیان کە جل و بەرگی عیزەتیان لەبەردایە و ئەو موجاهیدانەی کە بەرەنگاری داگیرکاریی سەهیۆنی دەبنەوە."(İLKHA)