وەقفی ئەڤیندارێن پێغەمبەر کە هەموو ساڵێک لە مانگی نیساندا بەرنامەی مەولودی پێغەمبەر رێکدەخات دەستی بە چالاکییەکان بۆ ئامادەکردنی بەرنامەکان کرد.

وەقفی ئەڤیندارێن پێغەمبەر هەموو ساڵێک لە مانگی نیساندا بە بەشداری سەدان هەزار کەس لە ژمارەیەکی زۆر شار و شارۆچکەی وڵات بەرنامەی مەولودی پێغەمبەر رێکدەخات.

وەقفەکە ئەمساڵیش دەستی بە ئامادەکارییەکان بۆ رێکخستنی بەرنامەکە کرد و راگەیاند کە تەوەری ئەمساڵی بەرنامەکان "رابەری بەرخۆدان حەزرەتی موحەممەد (صلی الله علیه و سلم)" دەبێت.

مەلا بەشیر شیمشەک سەرۆکی گشتی وقفی ئەڤیندارێن پێغەمبەر سەبارەت بە ئامادەکارییەکان بۆ بەرنامەکە و بەرواری بەرنامەکە راگەیەندراوێکی بڵاو کردەوە.

"مەیدانەکان بە ئەڤینی موحەممەدی پڕ دەبن"

مەلا بەشیر شیمشەک وتی، "مەیدانەکان بە ئەڤینی موحەممەدی پڕ دەبن، ئەڤینداران بە سەڵەوات و تەکبیر ئاسمان دەهەژێنن. ئەڤینی موحەممەدی شار بە شار لە ڕۆژهەڵاتەوە هەتاوەکو ڕۆژئاوا تەواوی خاکەکانی وڵات دەگرێت. شەقام و کۆڵانەکان بە ناوی پیرۆزی ئەو دەخەمڵێنن، مەیدانەکان کە چاوەڕوانی کەشوهەوایەکی مەعنەوی بوون بە سەدان هەزار کەس پڕ دەبن کە یادی ئەو دەکەن. پەروەردگارمان کە ئێمەی گەیاند ئەم کەشوهەوایە خاوەن کەرەمی بێ سنوورە."

"سەدان هەزار کەس رابەری بەرخۆدان دەناسن"

ناوبراو ئاماژەی بەوە کرد کە دەستیان بە ئامادەکارییەکان کردوون و وتی، "تەوەری ئەمساڵی بەرنامەکەمان 'رێبەری بەرخۆدان حەزرەتی موحەممەد (صلی الله علیه و سلم) دەبێت. تەوەرەکەمان بەرخۆدانە. بەرخۆدان؛ موژدەی سەرکەوتنەکانی پیرۆز و نزیکن. هێرشەکانی ئەم دواییە کە ئەو جینۆسایدە زۆرانەی کە بە درێژایی مێژوو ناسراون دەخاتە ژێر پرسیارەوە، دەرکەوتنێکی بێ دەمامکی ڕووخساری دڕندە و پیسی ستەمکارە. ڕێبازی ڕێبەری بەرخۆدان حەزرەتی موحەممەد (د.خ) بۆ پاراستنی موسڵمانان و ئیرادەی بۆ بەرەنگاربوونەوەی ستەمکاران؛ بنەمایەکی بنەڕەتییە کە دەبێت هەموو موسڵمانێکی بەڕێز و بە شکۆمەند لە باوەشی بگرێت. نموونەیەک لەم بەرەنگاربوونەوەیە؛ لە شکۆمەندی بەدر و ئوحود و ڕۆحی کۆڵنەدان لە دژی سوپای ئەحزابدا شاراوەتەوە."

"رێگای ئەو رێگای بەرخۆدان و سەرهەڵدان لە بەرامبەر ستەم بوو"

شیمشەک لە بەردەوامی وتی، "چونکە رێگای ئەو رێگای بەرخۆدان و سەرهەڵدان لە بەرامبەر ستەم بوو. رێگای حاکمکردنی عەدالەت و حەق بوو. تاکە ڕێگایەک کە دادپەروەری و ئازادی بۆ ستەملێکراوان بهێنێت و مافی چاکەکاران ببەخشێت، ڕێگای پێغەمبەرە. بەڵام ڕێنمایی پێغەمبەر دادپەروەری و ئارامی بۆ جیهان دەهێنێت و حەقیقەت و دادپەروەری باڵاتر دەکات. وەک وەقفی ئەڤیندارێن پێغەمبەر هەوڵ دەدەین ئەم ڕاستییە بخەینەڕوو، کە ڕێگای ڕێبەری بەرخۆدان حەزرەتی موحەممەد تاکە ڕێگایە کە دەبێتە هۆی ڕزگاربوون، لەم ڕووداوانەدا."

بەرواری بەرنامەکان

شیشمەشک لە بەردەوامی بانگیشتی هاوڵاتیان کرد کە بەشداری لە بەرنامەکان بکەن و وتی، "یەکەم بەرنامەمان لە ٦ی نیسان ڕۆژی یەکشەممە لە شارۆچکەی جزیری پارێزگای شرنەخ رێکدەخەین. لە ١٣ی نیسان ڕۆژی یەکشەممە لە باتمان و عەنتاب، لە ٢٠ی نیسان لە دیاربەکر، لە ٢٧ی نیسان لە وان، ئەدەنە و ئیستانبوول بەرنامەکەمان رێکدەخەین. بانگێشتی هەموو ئەڤیندارانی پێغەمبەر، هەموو خوشک و براکانمان کە پابەندی سوننەتی پێغەمبەرن،هەموو گەلەکەمان دەکەین، ئافرەت، پیاو، گەنج، پیر، منداڵ سەدان هەزار کەس مەیدانەکان پڕ بکەن."(İLKHA)