وەزارەتی کارەبا و سامانە سروشتییەکان رایانگەیاند، "بەهۆی پڕۆسەی سازدانەوە و چاکسازی لە کێڵگەی کۆڕمۆر، ئاستی خزمەتگوزاریی کارەبا لە وەرزی هاویندا بەشێوەیەکی بەرچاو بەرز دەبێتەوە."

هەردوو وەزارەتی کارەبا و سامانە سروشتییەکانی حکوومەتی هەرێمی کوردستان، ڕاگەیەنراوێکی هاوبەشیان لەبارەی پرۆسەی چاکسازی لە کێڵگەی کۆرمۆر و باشترکردنی خزمەتگوزاریی کارەبا لە وەرزی هاویندا بڵاو کردەوە.

لە راگەیەنراوەکەدا هاتووە، "بە مەبەستی ئامادەکاری بۆ هاتنی وەزی هاوینی ئەمساڵ، کۆمپانیای (دانە غاز) دەست بە پڕۆسەی سازدانەوە و چاکسازی لە کێڵگەی کۆڕمۆر دەکات. ئەم پرۆسەیە لە کاتژمێر ١٢:٠٠ی ئەمشەوی پێنجشەممەوە، ٠٣-٠٤-٢٠٢٥، دەست پێ دەکات و سێ هەفتە دەخایەنێت."

لە بەردەوامی راگەیەندراوەکە باس لەوە کراوە، "هەریەک لە وەزارەتی کارەبا، وەزارەتی سامانە سروشتیەکان و کۆمپانیای (دانا غاز) هەماهەنگی نزیکیان دەبێت بۆ ئەوەی پڕۆسەکە بەشێوەیەکی سەرکەوتوو ئەنجام بدرێت."

دەستنیشان کرا، "چاوەڕوان دەکرێت لە ڕێگەی پڕۆسەی سازدانەوە و چاکسازی لە کێڵگەی کۆڕمۆر، ئاستی خزمەتگوزاریی کارەبا لە وەرزی هاویندا بەشێوەیەکی بەرچاو بەرزبێتەوە."(İLKHA)