لە شاری کوفرای وڵاتی لیبیا لە ناو گۆڕێکی بە کۆمەڵدا تەرمی ٥٥ کۆچبەر دۆزرایەوە.

یەکینەی فڕیاگوزاری و رزگارکردنی لیبیا راگەیاند، لە شاری کوفرا لە ناو گۆڕێکی بەکۆمەڵدا تەرمی ٥٥ کۆچبەر دۆزرایەوە.

پێشتر لە ناو گۆڕەکە ٤٤ تەرم دۆزرابوو. دوای دۆزینەوە ١١ تەرمی دیکە ژمارەی تەرمەکان گەشتە ٥٥ تەرم و پێدەچێت ژمارەکە تا ٧٤ بەرز ببێتەوە.

ناوچەکە لە ژێر کۆنترۆلی خەلیفە حەفتەردایە و چالاکییەکان بۆ ناسینی ناسنامەی قوربانییەکان بەردەوامە.

ڕۆژی هەینی ئەجقەرە وەزیری ناوخۆی لیبیای ڕۆژهەڵات کە لە لایەن کۆمەڵگای نێودەوڵەتی ناناسرێت راگەیاند کە لە ناو کێڵگەیەکدا ١٩ تەرم دۆزرایەوە.

هەروەها ڕۆژی یەکشەممە داواکاری گشتی لیبیا راگەیاندبوو کە لە شوێنێک کە لە لایەن باندێکی تاوانکاری قاچاغی مرۆڤ بەڕێوبەرایەتی دەکرا تەرمی ٢٨ کەس دۆزرایەوە.(İLKHA)