لە ئەنجامی هێرشێکی ئەندامانی پەکەکە/هەسەدە لە ناوچەی مەعدەن لە ڕەقە، ٢ سەربازی سوپای سوریا گیانیان لەدەستدا.

بەرەبەیانی ئەمڕۆ لە ناوچەی مەعدەن لە لادێی ڕەقە هێرشیان کردە سەر پێگەکانی سوپای سوریا، بەهۆیەوە ٢ سەرباز کوژران و ژمارەیەکی دیکەش بریندار بوون. سوپا تەقەی گەڕاندەوە و هێزە هێرشبەرەکانیان دوورخستەوە.

بەشی ڕاگەیاندن و پەیوەندییەکانی وەزارەتی بەرگریی سوریا بە ئاژانسی فەرمی هەواڵەکانی سوریا سانای ڕاگەیاند، دوای نیوەشەو هێرشی هەسەدە/پەکەکە/یەپەگە بۆ سەر پێگەکانی سوپای عەرەبی سوریا لە ناوچەی مەعدەن لە لادێکانی ڕەقە دەستی پێکردووە. دوای هێرشەکە کە بە چەکی جۆراوجۆر ئەنجام درا، چەند پێگەیەک کۆنترۆڵکران. دەگوترێ لە هێرشەکەدا ٢ سەرباز کوژراون و ژمارەیەکی دیکەش بریندار بوون.

وەزارەتی بەرگری هەروەها ڕاگەیاند، "هێزەکانمان هێرشی بەرپەرچدانەوەی ڕاستەوخۆیان دەستپێکرد، وەڵامی سەرچاوەکانی ئاگرەکەیان دایەوە، کە لە ئەنجامدا پێگەکان وەرگیرایەوە و هێزە هێرشبەرەکان لە ناوچەکە دوورخرانەوە."

لە ڕاگەیەندراوەکەی وەزارەتی بەرگریدا باس لەوە کرا، "ئێمە هێزەکانی سوریای دیموکرات بە بەرپرسیار دەزانین لەم هێرشە خیانەتکارە."(İLKHA)