بەپێی زانیارییەکان، گەشتە شەوانەکان لە فڕۆکەخانەی نێودەوڵەتی کەرکووک دەستیپێکردووە، کە نزیکەی چوار ساڵ لەمەوبەر ڕاگیرابوو.

هەردی سەمەد ئەفسەری ڕاگەیاندنی فڕۆکەخانەی کەرکوک لە بەیاننامەیەکدا ڕایگەیاند، گەشتە شەوانەکان لە فڕۆکەخانەی کەرکووک دەستیپێکردووە.

سەمەد ڕوونیشیکردەوە، ئەم پێشهاتە لە چوارچێوەی هەوڵەکانە بۆ باشترکردنی کوالیتی و ئەدای خزمەتگوزارییەکان، ئاماژەی بەوەشکرد، هەفتانە ٣ گەشتی شەوانە لەنێوان کەرکووک و ئیستانبوولدا دەبێت.

سەمەد ڕوونیشیکردەوە، یەکەم گەشتی شەوانە ڕێگای کەرکووک- ئیستانبوول بووە، ئەم پێشهاتەش ژمارەی گەشتەکانی لە فڕۆکەخانەکە زیادی کردووە.

ناوبراو ئاماژەی بەوەشکردووە، ئامانج لێی زیادکردنی ژمارەی گەشتەکانی ڕۆژانەیە و بژاردەی گەشتکردنی باشتر پێشکەش بە سەرنشینەکان دەکرێت لە هەر کاتێکی ڕۆژدا.(İLKHA)