شەهیدەکانی گوندی خرابێڕپن لە سەر گۆڕەکانیان یاد کران
13 oC
13 oC
Güneşli
13 oC
Güneşli
لە گوندی خرابێڕپنی شارۆچکەی هەزەخی پارێزگای شرنەخ مەراسیمی یاد کردن بۆ شەهیدەکان بەڕێوەچوو کە لە ٢٦ی حوزەیرانی ١٩٩٢ لە ئەنجامی هێرشێکی پەکەکەدا شەهید بوبوون.
پەکەکەی کە مێژووکەی پڕە لە کۆمەڵکوژی لە دژی گەلی مسوڵمان و کورد لە ٢٦ی حوزەیرانی ١٩٩٢ ڕێگای گوندی خرابێڕپن لە شارۆچکەی هەزەخیان مینڕێژ کرد.
جووتیاران کاتێک لە ناو زەوییەکانیان دەگەڕانەوە مینەکان تەقیەوە و لە ئەنجامی هێرشەکەدا عبدالکریم ئۆزەل ٣٤ ساڵە، ئیبراهیم کارتال ٢٨ ساڵە، هەدیە باشتوغ ٣٥ ساڵە و مەنیجە کارتال ١٦ ساڵە شەهید بوون. هەروەها عبدالوهاب کارتال ٥٤ ساڵە، عادیلە کارتال ٥٧ ساڵە، سەعدیە ئۆزەل ٤٧ ساڵە، عەلی ئۆزەل ٥١ ساڵە، ئایتەن ئۆزەل ٥١ ساڵە و تایبەت باشتوغ ٥١ ساڵە بریندار بوون.
لە ٣٤مین ساڵوەگەڕی هێرشەکەدا لە سەر گۆڕی شەهیدەکان مەراسیمێکی یادکردن بەڕێوەچوو.
بەرپرسانی هودا پار لە پارێزگاکە و کەسوکاری شەهیدەکان بەشداریان لە مەراسیمی یادکردن کرد.
بەرنامەکە بە خوێندنی قورئانی کەریم دەستیپێکرد و دواتر نورالدین تاتار سەبارەت بە شەهیدەکان وتارێکی پێشکەش کرد.
"هەموو ڕێبازێکی حەق مەککەی خۆی و مەدینەی خۆی هەیە"
ناوبراو وتی، "هەموو ڕێبازێکی حەق مەککەی خۆی و مەدینەی خۆی هەیە. دەبێت بزانین لە دونیادا خوای گەورە هەموو شتێکی وەک ئەمانەت پێبەخشیوین. خوای گەورە لە سورەتی التوبە ئایەتی ١١١دا دەفەرموێت، 'بەڕاستی خوای گەورە لە ئیمانداران ژیانی خۆیان و موڵک و ماڵی خۆیان کڕیوە لە بەرامبەر بەهەشتدا.' دەبینین لە ناوچەکەی ئێمەدا کەسانێک هەن کە ڕووبەڕووی سەختی و ئەشکەنجە بوونەتەوە، هەر وەک لە مەککە. ئەو موسڵمانانەی لێرەدا دەیانەوێت دۆزی پێغەمبەر بەرزبگرن، ئەو موسڵمانانەی دەیانەوێت دژی ستەمکاران بوەستن، هەموو شتێکیان فیدا کردووە، هەروەک هاوەڵانی پێغەمبەر. الحمدللە، هەموو شتێکیان کردە قوربانی لە پێناوی پەروەردگاریان، بەو شێوەیەی کە ئەو ویستی.
دەبێت بزانین شەهیدبوون پلەیەکی گەورەیە. پێغەمبەرمان صلى الله عليه وسلم فەرموویەتی، 'لە ڕۆژی قیامەتدا شەهیدان بە برین و خوێنیانەوە دێنە بەردەم خوا.' ئەم موسوڵمانانە لە پێناوی ئایینی خودادا، سامان و پێگە و موڵک و ماڵی خۆیان وەلا ناوە، هەرگیز کڕنۆش بۆ ستەمکار دانەناوە و هەرگیز لە ڕێگای خۆیان نەگەڕانەتەوە. بەڕاستی لەم بابەتەدا وانەی گەورە بۆ ئێمە هەیە. ئەم متمانەیەیان بۆ ئێمە جێهێشت. دەبێت بەهای ئەم نیعمەتانە بزانین کە خودای گەورە بە ئێمەی بەخشیوە. خوای گەورە لە بەرەکەتی شەهیدان بێبەشمان نەکات."
بەرنامەکە بە ئەنجامدانەوەی دوعا کۆتایی هات.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە بەرنامەیەکدا کە جەمعیەتی موستەزعەفان و پلاتفۆرمی کاروانی شەهیدان لە دیاربەکر بە بۆنەی مانگی موحەڕەمەوە ڕێکخستبوو، ئەو زوڵم و کۆمەڵکوژییانەی لە قۆناغە جیاوازەکاندا، لە کەربەلاوە تا غەززە، لە شێخ سەعیدەوە تا سووسا، ئەزموون کران، یاد کرایەوە.
بە بۆنەی ١٠ موحەڕەم ڕۆژی شەهادەتی حەزرەتی حوسێن و هاوڕێکانی لە باتمان بەرنامەی "غەززە: کەربەلای سەردەم" بەڕێوەچوو.
پلاتفۆرمی کاروانی شەهیدان بە بۆنەی ساڵوەگەڕی شەهادەتی شەهیدەکانی گوندی سووسا بە دەستی پەکەکە لە ٢٦ی حوزەیرانی ١٩٩٢ ڕاگەیەندراوێکی بڵاو کردەوە.
