لە بەیاننامەیەکی ڕۆژنامەوانیدا کە لە لایەن پلاتفۆرمی وان بۆ پشتیوانی لە فەلەستین بۆ ڕاکێشانی سەرنج بۆ ئەو کارەساتەی کە ڕووبەڕووی خەڵکی غەززە بووەتەوە، جەخت لەوە کرایەوە کە سەرکردەکانی جیهانی ئیسلامی و هەموو مرۆڤە خاوەن ویژدانەکان دەبێ هەنگاو بنێن.

ئەحمەد فارووق چەویک، وتەبێژی پلاتفۆرمەکە، ڕەخنەی توندی لە بێدەنگیی وڵاتانی ئیسلامی و سەرکردەکانیان گرت و ڕایگەیاند کە لە کاتێکدا دانیشتووانی غەززە لەژێر بۆردومان و سەرمای تونددا لەناو چادرە داڕماوەکاندا دەژین، سەرکردەی مسوڵمانان تەنها سەیری دۆخەکە دەکەن.

داواکارییە سەرەکییەکانی بەیاننامەکە:

کردنەوەی دەروازە سنورییەکان: دەستبەجێ کردنەوەی دەروازەکان بۆ گەییشتنی هاوکارییە مرۆیی و پزیشکییەکان بێ هیچ مەرجێک.

دابینکردنی شوێنی نیشتەجێبوون: گواستنەوەی خێزانە لێقەوماوەکان بۆ کونتێنەر و دروستکردنی ناوچەی پارێزراو، وەک پێشنیازی گواستنەوەی کونتێنەرەکانی بوومەلەرزەی تورکیا بۆ غەززە.

هەڵوێستی کارا: داوا لە تورکیا و جیهان کرا کە لە ئاستی ئاگادارکردنەوە و ئیدانەکردندا نەمێننەوە و هەنگاوی کرداری بنێن بۆ ڕاگرتنی کۆمەڵکوژییەکان.(İLKHA)